A ydych erioed wedi ystyried rhannu eich arbenigedd a llunio dyfodol adeiladu?

Gan nad oes angen gradd i ddechrau addysgu mewn addysg bellach, rydym yn chwilio am weithwyr adeiladu proffesiynol – yn union fel chi – i drosglwyddo eich sgiliau a’ch gwybodaeth.

Yng Ngholeg Sir Benfro, mae ein gweithdai o’r radd flaenaf yn darparu hyfforddiant ymarferol mewn gwasanaethau adeiladu, gwaith saer ac asiedydd, gwaith brics, plastro, trydanol, plymio, nwy, ynni adnewyddadwy a mwy.

Gyda thwf cyflym mewn cyfleoedd gwaith adeiladu ar draws Sir Benfro a gorllewin Cymru, mae galw cynyddol am weithwyr proffesiynol medrus i hyfforddi’r genhedlaeth nesaf ac uwchsgilio’r gweithlu ym mhob crefft.

Diddordeb darganfod mwy? Ymunwch â ni yn ein digwyddiad recriwtio anffurfiol yng Ngholeg Sir Benfro i archwilio cyfleoedd addysgu llawn a rhan amser cyffrous yn ein Hadran Amgylchedd Adeiledig.

Pam ymuno â ni?

• Cynllun Pensiwn Athrawon gyda chyfraniad hael gan gyflogwr
• Lwfans gwyliau deniadol o 46 diwrnod (staff llawn amser)
• Aelodaeth undeb llafur cydnabyddedig
• Rhaglen Datblygiad Proffesiynol Parhaus (DPP).
• Trefniadau gweithio hyblyg
• Gostyngiadau ar gyrsiau, salonau gwallt a harddwch, aelodaeth campfa
• Timau lles a chymorth staff ar gael

Y ffordd fwyaf pwerus i ddysgu yw gan y rhai sydd wedi meistroli eu crefft. Cofrestrwch i fynychu.