Bydd partneriaeth strategol newydd rhwng Academi Chwaraeon Prifysgol Cymru Y Drindod Dewi Sant ac Academi Chwaraeon Coleg Sir Benfro yn darparu llwybr i fyfyrwyr gyfuno eu dyheadau academaidd a chwaraeon drwy Addysg Bellach ac Uwch.
Mae PCYDDS wedi arwain y gwaith o ddatblygu fframwaith i alluogi cydweithio â sefydliadau eraill yn y rhanbarth gan gynnwys yn gynharach eleni lansio rhwydwaith o Sefydliadau Prifysgol Technegol sy’n dod ag addysg uwch a phellach gyda’r ddau sefydliad ynghyd fel rhan o’r datblygiad hwn. Mewn gwirionedd, mae Coleg Sir Benfro a PCYDDS eisoes wedi cydweithio ar benderfyniadau academaidd allweddol ers bron i ddegawd ac mae’r bartneriaeth hon yn cryfhau’r berthynas ymhellach.
Mae’r dysgwr yn ganolog i Goleg Sir Benfro a Grŵp PCYDDS gyda’r ymrwymiad i ddarparu profiad dysgu rhagorol wrth galon y gweithgareddau. Nod y ddwy Academi Chwaraeon yw cefnogi myfyrwyr sy’n cymryd rhan mewn chwaraeon perfformiad uchel tra byddant yn astudio.
Gall myfyrwyr gael mynediad at hyfforddiant lefel broffesiynol a hyfforddiant cryfder a chyflyru, yn ogystal â chyngor ar faeth, diet a ffordd o fyw. Byddant hefyd yn cael mynediad i gyfleusterau chwaraeon ar draws y ddau sefydliad, cyfleoedd sy’n darparu’r amgylchedd i fyfyrwyr gystadlu yng Nghystadlaethau Chwaraeon Colegau Cymru a Cholegau Prydain mewn Addysg Bellach a chynghreiriau, digwyddiadau a phencampwriaethau Chwaraeon Prifysgolion a Cholegau Prydain (BUCS). mewn Addysg Uwch.
Dywedodd Lee Tregoning, Pennaeth Academi Chwaraeon PCYDDS: “Rydym yn gwella’r cysylltiadau rhwng addysg bellach ac uwch i greu’r llwybr unigryw hwn ar gyfer rhagoriaeth academaidd a chwaraeon perfformiad uchel a fydd er budd ein dysgwyr. Rydym yn croesawu’r cyfleoedd mae hyn yn creu mwy o aliniad rhwng y ddwy academi chwaraeon. Ein nod yw datblygu a gwella ein partneriaeth a gwneud y mwyaf o gyfleoedd addysg uwch a dilyniant i ddysgwyr yn y byd academaidd a chwaraeon.”
Ychwanegodd Elaine Rees, Pennaeth Addysg Alwedigaethol Arbenigol yng Ngholeg Sir Benfro: “Mae’r bartneriaeth hon yn cryfhau’r cyfle i fyfyrwyr barhau â’u taith addysg a chwaraeon yng Ngorllewin Cymru. Mae’r gwasanaethau y mae’r ddwy Academi yn eu darparu yn rhoi llwybr pum mlynedd i fyfyriwr nodweddiadol lle gallant hyfforddi a chwarae ar y lefel uchaf mewn Chwaraeon Colegau a Phrifysgolion tra hefyd yn cyflawni eu nodau academaidd.”
