Corfforaethol a Llywodraethu - Pembrokeshire College

Canlyniadau Gwych O Gynlluniau Gwych

Ein Gweledigaeth: Mynd ar drywydd rhagoriaeth, grymuso unigolion a datblygu gweithlu'r dyfodol.

Mae Coleg Sir Benfro yn ddarparwr addysg bellach, addysg uwch a dysgu seiliedig ar waith deinamig ac o ansawdd uchel gyda bron i 2,000 o ddysgwyr a phrentisiaid llawn-amser a 13,000 o ddysgwyr a phrentisiaid rhan-amser. Mae’r Coleg yn cyflogi dros 500 o staff dawnus ac ymroddedig sydd â chymwysterau da, sy’n gefnogol ac yn gofalu am eu myfyrwyr.

Mae Coleg Sir Benfro yn cynnig darpariaeth academaidd a galwedigaethol gynhwysfawr, sy’n cwmpasu holl feysydd y cwricwlwm, gan gynnwys y sectorau blaenoriaeth sef Iechyd a Gofal, Peirianneg, Adeiladu, Bwyd a Ffermio, Gwyddor Bywyd, Cyfathrebu a Thechnoleg Gwybodaeth, Cyllid, Twristiaeth, Lletygarwch, Arlwyo a’r Celfyddydau Creadigol.

Polisïau, Dogfennau Stratego, Amgylcheddol a Llywodraethu

Dogfennau

Effaith Amgylcheddol

Mae Coleg Sir Benfro wedi ymrwymo i leihau ei effaith amgylcheddol a’i allyriadau carbon ers 2002. Ym mis Hydref 2021, adnewyddodd y Coleg yr ymrwymiad hwnnw ac ymrwymo i Carbon Sero Zero erbyn 2030.

Mae’r Coleg yn cydnabod ac yn cymryd o ddifrif ei sefyllfa freintiedig o ran gallu dylanwadu ar bobl ifanc i gymryd camau i leihau eu hôl troed carbon eu hunain.

Mae’r Coleg wedi datblygu cynllun gwella amgylcheddol sy’n canolbwyntio nid yn unig ar ei ôl troed carbon mesuradwy ond ar gamau gweithredu ehangach fel bioamrywiaeth.

DO NOT USE

A yw'r Coleg yn anelu at fod yn Carbon Sero Net?

Mae’r Coleg wedi mabwysiadu ‘Canllawiau Adrodd Carbon Sero Net 2030 Llywodraeth Cymru ar gyfer y Sector Cyhoeddus’. Mae’r Coleg yn falch o fod wedi mabwysiadu’r canllawiau hyn yn gynnar.

A oes gan y Coleg unrhyw dystysgrifau amgylcheddol?

Mae’r Coleg wedi’i ardystio i Safon Amgylcheddol y Ddraig Werdd Lefel 5 ers 2013. Lefel 5 yw’r lefel uchaf ac mae’n dangos safonau uchel y Coleg o reolaeth amgylcheddol. Mae ardystio yn cynnwys archwiliad blynyddol.

Sut mae'r Coleg yn lleihau ei ddefnydd o drydan?

Mae’r Coleg wedi lleihau ei ddefnydd trydan blynyddol gan 52% ers 2002 trwy ddefnyddio technoleg werdd a mesurau arbed ynni a bwriadwn wella hyn. Rydym wedi ymrwymo i dariff trydan gwyrdd sy’n golygu bod yr holl drydan a gawn o’r grid yn dod o ffynonellau adnewyddadwy.

Ydy'r Coleg yn defnyddio ynni adnewyddadwy?

Mae safleoedd y Coleg yn cynhyrchu ac yn defnyddio tua 36,400 kWh o drydan a gwres adnewyddadwy bob blwyddyn trwy dechnolegau gwyrdd fel paneli solar a phympiau gwres o’r ddaear. Mae hynny’n cyfateb i ddarparu trydan i 10 tŷ cyffredin. Mae defnyddio mwy o ynni adnewyddadwy yn ffocws allweddol i’n hymrwymiad i carbon sero net erbyn 2030.

Beth mae'r Coleg yn ei wneud am wastraff bwyd?

Mae’r Coleg yn cydnabod effaith byd-eang gwastraff bwyd. Mae ein staff arlwyo a’n dysgwyr yn rhoi prydau heb eu gwerthu i fanc bwyd y Coleg. Yn helpu cymuned ein Coleg a lleihau gwastraff bwyd.

Sut mae'r Coleg yn lleihau ei ddefnydd o ddŵr?

Mae’r Coleg wedi lleihau ei ddefnydd dŵr blynyddol gan 53% ers 2002 trwy fentrau arbed dŵr. Mae’r arbediad yn cyfateb i ddefnydd 24 o gartrefi bob blwyddyn.

Beth mae'r Coleg yn ei wneud i wella bioamrywiaeth?

Mae gan y Coleg lawer o fywyd gwyllt ar y safle eisoes ac mae ganddo gynlluniau ar waith i wella hyn. Mae’r cynlluniau’n cynnwys gwestai chwilod, blychau gwenoliaid, planhigion peillio, dolydd blodau gwyllt a chychod draenogod.

Beth yw ôl troed carbon y Coleg?

Ôl troed carbon cyn-bandemig y Coleg yw 852,783 kgs CO2e. Mae’r Coleg wedi ymrwymo i wella hyn a bod yn garbon sero net erbyn 2030.

Sut mae'r Coleg yn lleihau ei ddefnydd o nwy?

Mae’r Coleg wedi lleihau ei ddefnydd o nwy gan 52% ers 2002 trwy fentrau arbed ynni. Rydym wedi ymrwymo i leihau hyn ymhellach a bod yn carbon sero net erbyn 2030.

Safonau'r Gymraeg

Mae Coleg Sir Benfro wedi ymrwymo i gydymffurfio â Safonau’r Gymraeg, fel y’u nodir gan Lywodraeth Cymru o dan Adran 44 o Fesur y Gymraeg (Cymru) 2011.

Mae’r Safonau yn gyfres o ofynion cyfreithiol-rwymol sy’n anelu at wella’r gwasanaeth dwyieithog y gall pobl Cymru ddisgwyl ei dderbyn gan nifer o gyrff cyhoeddus a statudol, gan gynnwys prifysgolion a cholegau.

DO NOT USE

Beth yw Safonau’r Gymraeg?

Mae’r Safonau’n egluro sut mae disgwyl i sefydliadau ddefnyddio’r Gymraeg mewn gwahanol sefyllfaoedd.

Mae’r dyletswyddau sy’n dod o’r Safonau yn golygu na ddylai sefydliadau drin y Gymraeg yn llai ffafriol na’r Saesneg, ynghyd â hybu a hwyluso’r defnydd o’r Gymraeg (ei gwneud yn haws i bobl ei defnyddio yn eu bywydau o ddydd-i-ddydd).

Mae’n ofynnol i Goleg Sir Benfro gydymffurfio â’r Safonau a ganlyn:

Darparu Gwasanaeth
Llunio Polisi
Gweithredol
Cadw Cofnodion

Nod y Safonau yw:

ei gwneud yn glir i sefydliadau beth yw eu dyletswyddau mewn perthynas â’r Gymraeg
ei gwneud yn gliriach i siaradwyr Cymraeg pa wasanaethau y gallant ddisgwyl eu derbyn yn Gymraeg
gwneud gwasanaethau Cymraeg yn fwy cyson a gwella eu hansawdd

Mae’r Safonau sy’n berthnasol i Goleg Sir Benfro wedi’u rhestru yn yr Hysbysiad Cydymffurfio a gyhoeddwyd gan Gomisiynydd y Gymraeg.

Gellir gweld adroddiad monitro blynyddol y Coleg ar gydymffurfiaeth â Safonau’r Gymraeg yma.

Cwynion, canmoliaeth a sylwadau

Mae Coleg Sir Benfro wedi ymrwymo i gydymffurfio â Safonau’r Gymraeg ac yn cefnogi hawl ein dysgwyr, staff a’r cyhoedd i ddefnyddio’r Gymraeg wrth ymwneud â’r Coleg.

Rydym yn croesawu sylwadau o bob math, boed yn gwynion neu ganmoliaeth, fel ein bod yn gallu dysgu o unrhyw ddiffygion a sicrhau ein bod yn cydnabod ac yn rhannu arfer da.

Dyma gopi o’r drefn gwyno mewn perthynas â’r Safonau neu unrhyw agwedd arall yn ymwneud â’r Gymraeg.

Am ragor o wybodaeth

Os oes gennych unrhyw gwestiynau neu os hoffech ragor o wybodaeth am Safonau’r Gymraeg y Coleg, cysylltwch â Swyddog Datblygu’r Gymraeg:

01437 753 435

ja.morgan@pembrokeshire.ac.uk

Llywodraethu

Yn unol â Deddf Addysg Bellach ac Uwch (Llywodraethu a Gwybodaeth) 2014, mae’n ofynnol i bob Coleg Addysg Bellach gael Corff Llywodraethu. Gelwir Corff Llywodraethol y Coleg yn Fwrdd y Gorfforaeth. Mae Bwrdd y Gorfforaeth yn atebol am osod cymeriad addysgol, cenhadaeth a chyfeiriad strategol y Coleg ac mae’n goruchwylio ei weithgareddau a’i berfformiad. Mae’r Bwrdd hefyd yn atebol am y defnydd priodol o arian cyhoeddus a ymddiriedwyd iddo.

Mae strwythur llywodraethu Bwrdd y Gorfforaeth yn cynnwys sefydlu “Corff Aelodaeth” i ddatblygu perthnasoedd ymhellach gyda busnesau, ysgolion, sefydliadau gwirfoddol a’r cyhoedd ehangach ac annog mwy o gyfranogiad cymunedol ac integreiddio â’r Coleg. Gelwir y Corff hwn yn Fforwm Ymgynghorol Coleg Sir Benfro. Bydd Fforwm Ymgynghorol Coleg Sir Benfro yn cyfarfod bob tymor a bydd yn gweithredu fel Corff ymgynghorol a lle bo’n briodol bydd yn gwneud argymhellion i Fwrdd y Gorfforaeth.

Mae’r Coleg yn gweithredu o fewn Offeryn ac Erthyglau Llywodraethu.

Calendr o gyfarfodydd wedi’u trefnu.