Cwestiynau Cyffredin

Dyma rai problemau cyffredin ac atebion posibl.

Cyflymder rhyngrwyd araf

Un o achosion mwyaf amlwg cyflymder rhyngrwyd araf yw bod yn rhy bell o’r llwybrydd neu’r pwynt mynediad. Mae hyn oherwydd po bellaf ydych chi oddi wrth y llwybrydd, y mwyaf annibynadwy fydd y cysylltiad.

I ddatrys y broblem hon, symudwch yn nes at y llwybrydd. Os yw’r llwybrydd wedi’i leoli mewn ystafell wahanol neu ar ochr wahanol i’r tŷ, ceisiwch weithio o’r ardal honno i weld a yw hynny’n datrys y broblem.

Ceisiwch osod y llwybrydd yn uwch (er enghraifft, i fyny ar silff), i ffwrdd o ddyfeisiau eraill a allai ymyrryd â’i gysylltiad, ac mewn lleoliad canolog heb unrhyw rwystrau. Gall cael gwrthrychau a deunyddiau fel metel, carreg, brics, neu wydr rhwng eich cyfrifiadur a’r llwybrydd ymyrryd â’ch signal.

Lled Band Annigonol

Achos cyffredin arall o broblemau cysylltiad rhyngrwyd yw diffyg lled band. Mae Lled Band yn fesur o faint o ddata y gellir ei drosglwyddo trwy’ch “piblinell” rhyngrwyd fesul eiliad. Mae hyn yn golygu, os oes gennych chi biblinell fach ac yn ceisio ffrydio fideo mewn HD (gweithgaredd sy’n gofyn am lawer o ddata), efallai y bydd eich cyflymder rhyngrwyd yn arafu oherwydd nad yw’ch piblinell yn ddigon mawr i sianelu’r holl ddata hwnnw ar unwaith. Byddai piblinell rhyngrwyd fwy yn caniatáu i fwy o ddata fynd trwyddo ar un adeg, gan arwain at gysylltiad cyflymach.

Gall cael gormod o ddyfeisiau leihau eich lled band, felly datgysylltwch unrhyw rai nad ydych chi’n eu defnyddio’n weithredol. Gall Malware hefyd gymryd eich lled band (yn ogystal â rhoi eich data mewn perygl), felly byddwch chi eisiau sganio’ch system yn rheolaidd am firysau fel y gellir eu hadnabod ag ymdrin â nhw cyn gynted â phosibl.

I brofi eich lled band lleolwch eich hun yn agos at eich blwch band eang gan ddefnyddio’r wefan ganlynol – www.speedtest.net

Ar ôl adleoli eich hun neu’ch llwybrydd a phrofi’r cyflymder:

Problem – Mae gennych chi fynediad i Fand Eang ond mae’r cyflymder lanlwytho yn is na 8Mbps, yna mae hyn yn awgrymu ei bod hi’n fwy tebygol y bydd problem gyda chyflymder band eang yn hytrach na signal diwifr gwael yn y tŷ.

Ateb posibl – Cysylltwch â’ch darparwr band eang a allai gynnig datrysiad neu uwchraddio.

Mae yna hefyd gynllun grant gan y llywodraeth sy’n talu am osod band eang cyflym iawn mewn tai sydd â chyflymder band eang annigonol;
llyw.cymru/bandeang-yng-nghymru

Cost unwaith ac am byth – I’w gadarnhau gan y darparwr band eang

Costau parhaus – I’w cadarnhau gan y darparwr band eang

Problem – Os oes gennych chi fynediad i Fand Eang a bod y cyflymder lanlwytho yn uwch na 8Mbps pan fyddwch chi’n rhedeg prawf lled band, fe allech chi ddefnyddio ‘Wi-Fi Extender Booster’.

Ateb posibl – Pecyn ‘Wi-Fi Extender Booster & Powerline Kit’:

**TP-LINK 300M Wi-Fi Extender Booster & 600MBPS Powerline Kit

Nid yw’r ‘Wi-Fi Extender Booster’ hwn yn debygol o helpu os yw cyflymder lawrlwytho eich band eang yn is na 8Mbps.

Cost unwaith ac am byth – tua £50

Cost barhaus – Dim

Problem – Dim mynediad i Fand Eang gartref ond mae gennych chi ffôn clyfar gyda Mynediad Data

Ateb posibl – Prynwch ddata ychwanegol a chysylltu’r data ychwanegol hwn are ich ffôn symudol â’ch gliniadur/dyfais.

Cost unwaith ac am byth – Dim

Cost barhaus – Misol £10 i £40 yn dibynnu ar ofynion data.

Problem – Dim mynediad at Fand Eang gartref a dim mynediad i ffôn clyfar

Ateb posibl – Prynu ‘Data Dongle’:

** Vodafone RG219 4G 15GB Mobile Wi-Fi Hotspot

Wedi’i lwytho ymlaen llaw â data symudol – yn dod i ben o fewn 90 diwrnod

Cost unwaith ac am byth – tua £50

Cost barhaus – Tua £25 am ddata 15GB – yn dod i ben o fewn 90 diwrnod

**Dangosir dolenni i wefannau fel enghreifftiau o offer y gellir eu prynu.

Os oes angen cymorth ariannol arnoch ar gyfer dysgu ar-lein efallai y byddwch yn gymwys i gael rhywfaint o arian gan y Gronfa Ariannol Wrth Gefn (FCF).