Y Gymraeg yn y Coleg - Pembrokeshire College

DWY IAITH – DWYWAITH Y DEWIS

Darpariaeth Cyfrwng Cymraeg a Dwyieithog

Yma yng Ngholeg Sir Benfro rydym yn ymrwymedig i baratoi ein myfyrwyr ar gyfer y gweithle yng Nghymru a thu hwnt.

Byddwn felly yn eich annog a’ch cefnogi i ddefnyddio a datblygu eich sgiliau Cymraeg tra’n astudio gyda ni. Wrth wneud hynny, byddwch yn cynnal eich Cymraeg ac yn dod yn fwy hyderus i ddefnyddio’r Gymraeg mewn cyd-destun gwaith a chymdeithasol.

I adlewyrchu’r ymrwymiad hwn, mae’r Coleg wedi datblygu Strategaeth Datblygu Darpariaeth Ddwyieithog 2023–2026, sy’n rhoi trosolwg cynhwysfawr o’n darpariaeth cwricwlwm Cymraeg a dwyieithog, yn ogystal â’n cyfleoedd allgyrsiol Cymraeg a Chymreig.

Mae’r Coleg yn datblygu ei ddarpariaeth ddwyieithog yn barhaus. Dyma’r hyn y gallwn ei gynnig i chi yn Gymraeg ar hyn o bryd:

Gwneud cais, cyfweliad a chofrestru
Cyfleoedd o fewn y rhaglen sefydlu
Asesiadau cychwynnol WEST
Sgiliau Hanfodol Cyfathrebu a Rhifedd
Y raglen diwtorial a sesiynau tiwtorial
Cwblhau asesiad cwrs/aseiniadau neu elfennau o’r cwrs
Asesiadau llafar / ymarferol / ysgrifenedig
Ailsefyll TGAU Mathemateg
Cymhwyster Bagloriaeth Cymru
Cymraeg Ail Iaith Lefel-A
Lleoliadau profiad gwaith
Defnyddio’r Gymraeg mewn gweithgareddau’r ystafell ddosbarth
Sesiynau datblygu sgiliau Cymraeg i gefnogi cyflogadwyedd

Mae cyfleoedd i fyfyrwyr sy’n hyderus ac yn rhugl yn yr iaith yn ogystal â chyfleoedd i’r rhai sy’n llai hyderus neu’n ddysgwyr. Wrth barhau i astudio’ch cwrs yn gyfan gwbl neu’n rhannol trwy gyfrwng y Gymraeg, byddwch yn datblygu eich sgiliau mewn dwy iaith – Cymraeg a Saesneg – a fydd yn agor drysau i chi pan fyddwch yn gadael y Coleg.

Cofiwch:

ddweud wrthym eich bod yn siarad Cymraeg er mwyn i ni allu eich cefnogi a’ch darparu ag amrywiaeth o gyfleoedd Cymraeg
eich bod yn gallu ennill gwobr ariannol am gwblhau gwaith yn Gymraeg

Cysylltwch â ni:

Os hoffech chi fwy o wybodaeth am y ddarpariaeth, y cyfleoedd a’r cymorth Cymraeg sydd ar gael yng Ngholeg Sir Benfro, cysylltwch â’r Tîm Datblygu’r Gymraeg
01437 753 435
01437 753 121
cymraeg@pembrokeshire.ac.uk
Dydd Llun i Ddydd Gwener: 08:30 i 16:00
Dilynwch ni ar ein tudalen Facebook: Cymraeg - Coleg Sir Benfro

Cymorth Cymraeg Ar Gael

Pa gymorth sydd ar gael i ddysgwyr a phrentisiaid?

Os nad ydych yn teimlo’n ddigon hyderus i astudio cwrs yn gyfan gwbl drwy gyfrwng y Gymraeg, beth am astudio rhan ohono drwy’r Gymraeg?

Mae cymorth ar gael i fyfyrwyr a phrentisiaid sy’n astudio cyrsiau yn rhannol drwy gyfrwng y Gymraeg er mwyn eu cynorthwyo i wella eu sgiliau iaith llafar ac ysgrifenedig.

Deunyddiau ac adnoddau dysgu Cymraeg a dwyieithog
Rhestrau termau a geirfa dwyieithog
Cymorth un-i-un gan Diwtoriaid Cefnogi Dwyieithrwydd
Cymorth dysgu a chymorth bugeiliol
Cymorth gwella sgiliau Cymraeg
Cysill ar gyfrifiaduron y coleg
Geiriaduron terminoleg
Apiau i helpu gydag astudio

Pa Gyfleoedd Cyfoethogi Cymraeg sydd ar gael?

Mae gennym amrywiaeth o opsiynau cyfoethogi’r Gymraeg ar gael i chi yn cynnwys:

Cyfleoedd Cymraeg yn Ffair y Glas y coleg
Ymuno â’r Clwb Cymraeg
Digwyddiadau a gweithgareddau’r Coleg Cymraeg Cenedlaethol e.e. gweminarau a gweithdai
Bod yn Llysgennad y Gymraeg
Ymaelodi â’r Urdd a chystadlu mewn cystadlaethau’r Urdd
Digwyddiadau dathlu’r Gymraeg a Diwylliant Cymru traws-golegol e.e. Diwrnod Shwmae, Diwrnod Santes Dwynwen, Dydd Miwsig Cymru, Dydd Gŵyl Dewi, Eisteddfod Genedlaethol Urdd Gobaith Cymru a digwyddiadau chwaraeon
Gweithdai a siaradwyr gwadd yn hybu dwyieithrwydd
Ymweliadau addysgiadol
Gweithgareddau’r Urdd a Menter Iaith Sir Benfro

Bydd y Tîm Datblygu’r Gymraeg yn hapus i’ch cefnogi i gymryd rhan yng nghyfleoedd Cymraeg y coleg.

Beth yw'r Coleg Cymraeg Cenedlaethol?

Mae’r Coleg Cymraeg Cenedlaethol yn gweithio’n agos iawn gyda phrifysgolion a cholegau Addysg Bellach yng Nghymru er mwyn datblygu cyrsiau ac adnoddau cyfrwng Cymraeg i fyfyrwyr. Mae’r Coleg Cymraeg yn creu cyfleoedd hyfforddi ac astudio yn y Gymraeg ac yn ysbrydoli dysgwyr a phrentisiaid i ddefnyddio’r sgiliau Cymraeg sydd ganddyn nhw. Rydym yn ddiolchgar i’r Coleg Cymraeg am y buddsoddiad, yr arweinad a’r gefnogaeth y mae’n ei ddarparu. Gallwch ddarllen mwy am waith y Coleg Cymraeg Cenedlaethol.

Beth mae Llysgennad y Gymraeg yn ei wneud?

Bob blwyddyn, caiff myfyrwyr y cyfle i wneud cais i fod yn Llysgennad y Gymraeg. Prif nod y rôl hon yw cefnogi’r coleg i hybu’r Gymraeg mewn meysydd penodol a chynorthwyo i greu cyfleoedd i fyfyrwyr ddefnyddio’u Cymraeg tra eu bod yn astudio yma. Mae hefyd yn rhoi mwy o gyfle i’r Llysgenhadon gymryd rhan mewn mwy o weithgareddau trwy gyfrwng y Gymraeg.

Ein Llysgenhadon Cymraeg y Coleg Cymraeg Cenedlaethol ar gyfer 2024/25 yw:

Elain James, yn cynrychioli Adeiladu
Cerys Witchell, yn cynrychioli’r Diwydiannau Creadigol
Mara Cozens Miles, yn cynrychioli Iechyd a Gofal Plant
Hanna Griffiths, yn cynrychioli prentisiaethau

Gallwch ddarllen blogiau Llysgenhadon y Gymraeg ar dudalen Facebook Cymraeg – Coleg Sir Benfro

Mae gan y Coleg dri Llysgennad y Gymraeg arall hefyd,ac ar gyfer 2024/25, y rhain yw:

Clay Skipper, yn cynrychioli Lefel-A
Amy Lee-Miles, yn cynrychioli’r Diwydiannau Creadigol
Dewi Evans, yn cynrychioli Academi Sgiliau Bywyd

Dyma’r hyn oedd gan Amy Lee-Miles i’w ddweud am fod yn Llysgennad y Gymraeg ym maes Y Diwydiannau Creadigol:

“”

Beth yw'r manteision?

Mae manteision addysgol, cyflogadwyedd a chymdeithasol o allu siarad dwy iaith:

Ennyn gwell dealltwriaeth o’r pwnc gan eich bod yn dysgu, i bob pwrpas, yn y ddwy iaith
Cynnal sgiliau ieithyddol sydd eisoes wedi eu meithrin yn yr ysgol
Datblygu sgiliau gwybyddol
Datblygu sgiliau cyflogaeth gan fod galw am weithwyr dwyieithog ym mhob math o swyddi
Rhoi sylfaen ardderchog i unrhyw yrfa
Cynyddu cyfleoedd a dewisiadau; gall agor drysau i bob math o gyfleoedd yn y dyfodol
Cyfle i gwrdd â phobl newydd a bod yn rhan o ddau ddiwylliant
Darparu gwasanaeth dwyieithog fel marc ansawdd
Ysgoloriaethau ar gyfer rhai cyrsiau yn y brifysgol

Mae eich sgiliau dwyieithog yn hynod werthfawr a dylech fanteisio ar y cymorth y gallwn ei roi i chi i ddatblygu’r sgiliau hynny ymhellach.

Y Tîm

Ein Cymuned Gymraeg

Sut gallwch chi ddefnyddio’ch Cymraeg yn y Coleg, dathlu digwyddiadau diwylliannol, cyfleoedd a llwyddiannau ein dysgwyr.

Canllawlyfr Cymuned Gymraeg

Darganfod Mwy am y Gymraeg yn Sir Benfro

Oes gennych chi ddiddordeb mewn dysgu mwy am yr iaith Gymraeg a sut allwch chi fod yn rhan o gymuned ddwyieithog fywiog?

Mae llyfryn Croeso i Sir Benfro sir yn lle gwych i ddechrau. Mae’n cynnig gwybodaeth ddefnyddiol am ddysgu Cymraeg, addysg cyfrwng Cymraeg, a chefnogaeth leol i deuluoedd a newydd-ddyfodiaid.

P’un a ydych chi’n siaradwr rhugl neu’n siaradwr newydd, mae rhywbeth i bawb.

Dyddiadau i'r dyddiadur!

Diwrnod Shwmae - 15 Hydref
Diwrnod Hawliau’r Gymraeg - 07 Rhagfyr
Diwrnod Santes Dwynwen - 25 Ionawr
Dydd Miwsig Cymru - 10 Chwefror
Eisteddfod y Coleg
Dydd Gwyl Dewi - 01 Mawrth
Neges Heddwch ac Ewyllys Da Urdd Gobaith Cymru Mis - Mai

Ewch i dudalen Facebook Cymraeg – Coleg Sir Benfro i gael cipolwg ar weithgareddau eleni a gweld sut wnaeth ein dysgwyr gymryd rhan yn nigwyddiadau ‘Dathlu Cymru’ y Coleg!

Profiadau myfyrwyr a phrentisiaid o astudio’n ddwyieithog

“Es i i ysgol gynradd ac uwchradd Gymraeg yn tyfu i fyny. Felly i mi roedd yn berffaith i mi barhau â'm haddysg Gymraeg yn y coleg. Rwy'n credu bod siarad Cymraeg yn sgil bwysig yn y byd heddiw oherwydd ei fod yn rhoi cyfle i bobl gyfathrebu'n ehangach ag eraill a hefyd drwy ymchwil ASBW rwyf wedi darganfod bod pobl sy'n siarad Cymraeg yn fwy tebygol o gael eu cyflogi dros rywun sy'n siarad Saesneg yn unig. Yn ogystal ag ASBW mae'r coleg yn cynnig tiwtorialau yn Gymraeg hefyd, sydd wedi fy helpu i gefnogi yn fy addysg coleg.”

Chloe Compton

“Es i i ysgol gynradd ac uwchradd cyfrwng Cymraeg. Felly pan sylweddolais y gallwn fod mewn grŵp tiwtor Cymraeg yng Ngholeg Sir Benfro roeddwn i wrth fy modd. Rwy'n mwynhau'r Gymraeg ac mae cael fy ngrŵp tiwtorial a dosbarth Bagloriaeth Sgiliau Cymru Uwch Lefel 3 wedi’u haddysgu trwy gyfrwng y Gymraeg yn bwysig i mi ac rwy'n falch ei fod yn opsiwn. Cyn i mi ymuno â'r coleg roeddwn i'n poeni y byddwn i'n colli fy iaith Gymraeg, ond nid yw'r dosbarthiadau hyn wedi caniatáu i hynny ddigwydd. Mae cael fy addysgu drwy gyfrwng y Gymraeg wedi dangos i mi fod yr iaith Gymraeg yn bwysig iawn ar gyfer fy mhrofiad prifysgol a'm swydd yn y dyfodol. Fel rhywun sydd eisiau ymuno â'r gwasanaethau diogelu, mae'r Gymraeg yn bwysig iawn gan ei fod yn fy ngalluogi i gyfathrebu â mwy o unigolion a bod yn agosach at y gymuned.”

Rose Fenn-Murfin

Dysgwr Lefel-A

“Er fy mod i bellach wedi dod i ddiwedd fy amser yma yng Ngholeg Sir Benfro, mae’r profiad o ddysgu fy nghrefft yma wedi bod yn arbennig. Ac rwy’n siŵr na fyddwn i wedi’i fwynhau cymaint, nac wedi cwblhau fy ngwaith i’r safon a wnes i heb y cyfle i allu astudio a chwblhau fy ngwaith drwy gyfrwng y Gymraeg a’r Saesneg. I unigolyn fel fi sydd wedi derbyn fy addysg drwy gyfrwng y Gymraeg drwy gydol fy mywyd, roedd y newid sydyn o astudio popeth yn Saesneg yn heriol. Gyda fy sgiliau Cymraeg yn gryfach na fy sgiliau Saesneg, ac ar ôl derbyn fy holl addysg gynradd ac uwchradd drwy gyfrwng y Gymraeg, roedd hi’n anodd dysgu drwy iaith arall i ryw raddau. Pan roddodd y coleg y cyfle gwych hwn i mi astudio’n ddwyieithog, neidiais ar y cyfle ar unwaith. Roeddwn i’n gwybod y byddai astudio a chwblhau gwaith yn fy mamiaith yn gwella fy mhrofiad a safon fy ngwaith yn aruthrol ac rwy’n ddiolchgar iawn i’r coleg am eu hymdrechion i roi’r cyfle hwn i mi fel dysgwr."

Ifan Phillips

Prentis Trydanol

“Fel dysgwr ail iaith, ro’n i’n ffodus i allu ymdrochi yn y Gymraeg o ddechrau fy astudiaethau yn y coleg. Ochr yn ochr â fy Lefel-A, ges i gefnogaeth i gwblhau’r Fagloriaeth yn ddwyieithog a mynd ymlaen i ennill gwobr am hyn. Mae’r coleg yn ffodus i gael cymaint o staff sy’n siarad Cymraeg a rhai hefyd sy’n dysgu. Felly, gyda digwyddiadau fel Diwrnod Shwmae, mae’n hyfryd gweld y gymuned Gymraeg yn dod at ei gilydd. Mae dysgu Cymraeg yng Ngholeg Sir Benfro wedi rhoi llawer o gyfleoedd i fi er enghraifft cymryd rhan mewn Podlediad gyda Nick Yeo, cyrraedd rownd derfynol Cystadleuaeth Medal Bobi Jones Yr Urdd ac agor Atriwm y Coleg yn ddwyieithog gyda’r Gweinidog Addysg Jeremy Miles. Gyda chefnogaeth fy narlithwyr a staff Cymraeg y coleg, rydw i wedi dechrau fy ngyrfa fel Tiwtor Cefnogi Dwyieithrwydd yn y coleg, i gefnogi dysgwyr eraill gyda fy angerdd tuag y Gymraeg.”

Lily Meddings

Cyn fyfyrwraig Lefel-A

“Penderfynais wneud y brentisiaeth yn Gymraeg oherwydd Cymraeg yw fy iaith gyntaf ac fe es i i Ysgol Bro Teifi lle wnes i bynciau drwy gyfrwng y Gymraeg. Rwyf yn gweld ysgrifennu yn Gymraeg yn rhwyddach nag ysgrifennu yn Saesneg a dyma pam wnes i benderfynu gwneud y brentisiaeth drwy’r Gymraeg. Mae’r Coleg wedi rhoi llawer o gymorth i mi er mwyn cwblhau fy ngwaith coleg yn Gymraeg.

“Penderfynais i hefyd fod yn Llysgennad y Gymraeg oherwydd hoffwn i annog a hybu mwy o brentisiaid i wneud eu prentisiaeth yn y Gymraeg. Rydw i hefyd yn annog fy nghydweithwyr i ddefnyddio’r Gymraeg ar y ward hyd yn oed os nad ydyn nhw’n siarad Cymraeg yn rhugl. Mae dweud geiriau fel ‘Bore da, sut ‘dych chi?’ a ‘Diolch’ yn gallu mynd yn bell gyda’r claf sy’n gwneud iddyn nhw ymddiried ynddoch chi a theimlo’n fwy cyfforddus yn yr ysbyty. Mae’r hen bobol yn teimlo’n llawer fwy cartrefol pan maent yn siarad eu hiaith gyntaf. Maent yn deall fwy ac yn gallu cyfarthebu’n well.”