Rydym wrth ein bodd bod eich plentyn wedi gwneud cais am le i astudio yng Ngholeg Sir Benfro o fis Medi a hoffem eich gwahodd i fynychu Noson Groeso.

Rydym yn ymwybodol bod y pontio i’r Coleg yn gyfnod cyffrous ond rydym yn ymwybodol y gall ymddangos yn frawychus i rai o’n dysgwyr ac yn wir i rai rhieni neu ofalwyr.

Gyda hyn mewn golwg, rydym wedi cynllunio Noson Groeso i chi er mwyn i chi wybod sut beth fydd bywyd Coleg i’n dysgwyr. Dyma’ch cyfle chi i ddysgu am ein haddysgu gwych, gwasanaethau helaeth i gefnogi dysgwyr, trefniadau trafnidiaeth, cymorth ariannol, monitro cynnydd a llawer mwy yn ogystal â bod yn gyfle i ofyn unrhyw gwestiynau a mynd ar daith o gwmpas ein cyfleusterau os nad ydych wedi gwneud hynny o’r blaen.

Gan nad yw’r digwyddiad hwn yn noson agored, ni fydd darlithwyr ar gael i ateb cwestiynau penodol sy’n gysylltiedig â’r cwrs er y bydd ein Tîm Derbyn a Chyfarwyddyd wrth law i ateb unrhyw gwestiynau cyffredinol neu’n ymwneud â dilyniant cwrs.