Rheolaeth Adeiladu
Rheolaeth Adeiladu
Gallwch gyflawni HNC mewn Rheolaeth Adeiladu, trwy Brifysgol Cymru y Drindod Dewi Sant a’i gyflwyno’n lleol yng Ngholeg Sir Benfro yn Hwlffordd. Mae’r brentisiaeth hon wedi’i hanelu at y rheini sydd ag o leiaf 2 flynedd o brofiad perthnasol yn y diwydiant adeiladu neu sydd wedi cwblhau cymhwyster lefel tri mewn adeiladu. Rhaid i chi fod yn gyflogedig am o leiaf 16 awr yr wythnos, mewn rôl o fewn y diwydiant a fydd yn caniatáu i chi gynllunio a threfnu eich gwaith eich hun a chysylltu ag eraill.
Os na chaiff ei gymryd fel prentisiaeth – cost:
POA
Ydy'r cwrs hwn yn iawn i mi?
Yn addas ar gyfer pobl sydd ag o leiaf 2 flynedd o brofiad perthnasol yn y diwydiant adeiladu neu sydd wedi cwblhau cymhwyster lefel tri mewn adeiladu.
Mae Prentisiaethau Uwch mewn Rheolaeth Adeiladu yn cynnwys:
- HNC mewn Rheolaeth Adeiladu trwy Brifysgol Cymru y Drindod Dewi Sant, a gyflwynir yng Ngholeg Sir Benfro dros un diwrnod yr wythnos
- Cymhwyster NVQ Lefel 4 sy’n cael ei asesu yn y gweithle
- Cymwysterau Llythrennedd, Rhifedd a Llythrennedd Digidol oni bai eich bod wedi’ch eithrio – os nad oes gennych o leiaf TGAU gradd C mewn Saesneg neu Gymraeg a Mathemateg neu Rifedd, efallai y byddwn yn cynnig cwrs arall i chi yn lle Prentisiaeth. Efallai y byddwn hefyd yn defnyddio asesiadau llythrennedd a rhifedd eraill, a elwir yn WEST, i asesu eich addasrwydd.
I wneud cais am brentisiaeth, mae’n rhaid bod gennych gyflogwr sy’n fodlon eich cyflogi drwy gydol eich prentisiaeth. Rhaid i rôl eich swydd eich galluogi i gynllunio a threfnu o leiaf eich gwaith eich hun a chysylltu ag eraill wrth wneud hynny.
Bydd angen i’ch cyflogwr:
- Allu eich rhyddhau un diwrnod yr wythnos i fynychu’r coleg
- Rhoi tystiolaeth o yswiriant addas i ni a thystiolaeth o’ch statws cyflogaeth
- Bod yn hapus i drafod gweithdrefnau Iechyd a Diogelwch gyda’ch aseswr
- Talu’r isafswm cyflog cenedlaethol priodol i chi, gan gynnwys diwrnodau coleg
Cyflwyno
- Yn y coleg: Un diwrnod yr wythnos yn y coleg dros ddwy flynedd. Mae dosbarthiadau fel arfer yn rhedeg tan yn hwyr gyda’r nos.
- Yn y gweithle: Rhaid i gyflogwyr gytuno i ymweliadau aseswr wedi’u cynllunio bob mis i’ch arsylwi ac i drafod eich cynnydd gyda goruchwyliwr.
Mae lleoedd ar Raglenni Prentisiaeth yn gyfyngedig ac yn amodol ar gapasiti. Nid yw cynnig cyflogaeth yn gwarantu lle ar unwaith yn y coleg.
Unrhyw gwestiynau?
Os oes gennych unrhyw gwestiynau am y cwrs hwn, mae croeso i chi gysylltu â’n tîm dysgu seiliedig ar waith, yn ystod oriau gwaith, ar 01437 753 205 neu unrhyw bryd drwy e-bost j.booth@pembrokeshire.ac.ukDysgwch fwy am ddechrau prentisiaeth ar ein tudalen Cwestiynau Cyffredi.
- Dau TGAU gradd C neu uwch i gynnwys Saesneg Iaith/Cymraeg Iaith Gyntaf a Mathemateg/Rhifedd
- Bydd disgwyl i chi fod mewn swydd berthnasol
- Mae'n bosibl y bydd angen prawf sgiliau sy'n gysylltiedig â'r pwnc yn sesiwn gwybodaeth y cwrs
- Ystyrir pob cais ar sail teilyngdod unigol
- Mae mynediad yn amodol ar fynychu sesiwn gwybodaeth cwrs neu gyfweliad anffurfiol
- Rhaid i'r dysgwr fod dros 18 oed
HNC mewn Rheolaeth Adeiladu:
- Technoleg Adeiladu 1 (arholiad)
- Cyfraith Amgylchedd Adeiledig
- Arolygu a Mesur Adeiladau
- Tendro ac Amcangyfrif
- Iechyd a Diogelwch
- Rheoli Safle
- Deunyddiau a Gwyddoniaeth
NVQ Lefel 4 mewn Rheolaeth Adeiladu:
Mae gofynion penodol ar gyfer gweithgareddau y mae angen i chi allu eu cyflawni yn y gweithle. Ar ôl i chi wneud cais, bydd aseswr yn cysylltu â chi a’ch cyflogwr i drafod sut i fodloni’r gofynion hyn.
Rhaid i chi allu cynllunio a threfnu o leiaf eich gwaith eich hun yn y gweithle.
Byddwch yn cael eich asesu trwy ddau arholiad ar-lein, asesiad ar y safle o brosiect seiliedig ar waith a thrafodaeth broffesiynol dan arweiniad ar ôl cwblhau prosiect seiliedig ar waith.
- Asesiad parhaus yn ystod y cwrs
- Asesiad ymarferol yn ystod y cwrs
- Portffolio o dystiolaeth
- Arholiad ar-lein
- Os cewch eich derbyn ar gyfer prentisiaeth yna cynhelir adolygiadau gyda’ch aseswr a’ch cyflogwr bob 1-2 fis a disgwylir i chi fod wedi datblygu eich sgiliau a’ch gwybodaeth rhwng pob adolygiad
Gallai cwblhau’r cwrs hwn yn llwyddiannus arwain at nifer o gyfleoedd dilyniant gyrfa yn y dyfodol.
- Deunydd ysgrifennu - byddwch yn cael gwybod am unrhyw eitemau penodol cyn i chi ddechrau'r cwrs
- Offer Diogelu Personol (PPE) a Dillad, y gallwch eu prynu ar-lein cyn i chi ddechrau'r cwrs
- Efallai eich bod yn gymwys i gael cyllid. Darganfyddwch fwy ar ein dudalen cyllid myfyrwyr
Mae unrhyw gostau uchod yn rhai bras a gallant newid. I gael gwybodaeth am ad-daliadau a chanslo cyrsiau, gweler y polisi ffïoedd.
Ydych chi'n Gyflogwr sy'n ystyried cymryd Prentis?
Dysgwch fwy am brentisiaethau a’r manteision i chi fel Cyflogwr ar ein tudalen Hyfforddiant Cyflogwyr.
Gwybodaeth Ychwanegol
Gwybodaeth ychwanegol
| Lefel: | |
|---|---|
| Modd: |
Cyfryngau Cymdeithasol
Llyfrynnau Diweddaraf
Wedi’i ddiweddaru ddiwethaf: 14/11/2023
