Tystysgrif Lefel 1 mewn Peirianneg (2850)
Os ydych yn ystyried gweithio yn y sector peirianneg mae hwn yn gwrs gwych i ddysgu, datblygu ac ymarfer y sgiliau rhagarweiniol sylfaenol sydd eu hangen.
Ydy'r cwrs hwn yn iawn i mi?
Mae’r cwrs ymarferol blwyddyn hwn yn rhoi dealltwriaeth sylfaenol i ddysgwyr o weithio ym maes peirianneg, gan gynnwys; arferion gwaith diogel, gweithio o fewn gwahanol sectorau peirianneg ochr yn ochr â’r derminoleg beirianneg a ddefnyddir.
Bydd yr unedau ymarferol yn caniatáu i ddysgwyr ddatblygu sgiliau ffitio a defnyddio offer llaw. Mae hyn yn cynnwys defnyddio ffeiliau, mesuryddion uchder vernier ac offer marcio i gynhyrchu cynhyrchion. Bydd dysgwyr hefyd yn defnyddio turn i gynhyrchu cydrannau peirianneg a gweithio i oddefgarwch.
Beth yw'r gofynion mynediad?
- Dau TGAU gradd E neu uwch i gynnwys Saesneg Iaith/Cymraeg Iaith Gyntaf a Mathemateg
- Ystyrir pob cais ar sail teilyngdod unigol
- Mae mynediad yn amodol ar fynychu cyfarfod cwrs neu gyfweliad anffurfiol
Os ydych wedi ennill eich cymwysterau y tu allan i’r DU byddwn yn defnyddio ECCTIS i wirio eu cyfwerthedd â chymwysterau’r DU. Lanlwythwch dystiolaeth o’ch cymwysterau fel rhan o’r broses ymgeisio.
Myfyriwr cyfredol - beth yw'r gofynion mynediad?
- Cwblhau rhaglen perthnasol yn llwyddiannus (gan gynnwys sgiliau) a phenderfyniad o gyfarfod y bwrdd dilyniant
Beth fydda i'n ei ddysgu?
Fel rhan o’r cwrs hwn, byddwch yn astudio ystod o unedau cyflwyniadol sy’n gysylltiedig â pheirianneg fecanyddol ar gyfer symud ymlaen i’r diwydiant peirianneg adeiladu gan gynnwys:
- Gweithio mewn peirianneg – Bydd yr uned hon yn caniatáu i ddysgwyr ddysgu am weithio mewn peirianneg ac mae’n cwmpasu’r sgiliau a’r wybodaeth sylfaenol sydd eu hangen i ymuno â sectorau peirianneg neu weithgynhyrchu. Mae’r addysgu’n cynnwys yr angen i gydnabod a defnyddio arferion gwaith diogel, ystyried yr amgylchedd, gweithio’n effeithiol fel rhan o dîm, deunyddiau sylfaenol y mae peirianwyr yn eu defnyddio yn eu gwaith bob dydd yn ogystal â’r dechnoleg gwybodaeth a ddefnyddir.
- Cyflawni technegau gosod sylfaenol – Bydd yr uned hon yn cyflwyno dysgwyr i’r defnydd diogel o offer llaw a gweithgareddau gosod sy’n ofynnol yn y sectorau peirianneg a gweithgynhyrchu. Mae’n cwmpasu’r sgiliau a’r wybodaeth sylfaenol sydd eu hangen i gynhyrchu cydrannau ar gyfer cydosod gan ddefnyddio offer, deunyddiau a thechnegau gwirio priodol i gyflawni’r meintiau a’r manylebau gofynnol, gan gydymffurfio â deddfwriaeth a rheoliadau iechyd a diogelwch.
- Cyflawni Technegau Troi Sylfaenol – Bydd yr uned hon yn cyflwyno dysgwyr i’r defnydd diogel o droellau a gweithgareddau troi sy’n ofynnol yn y sectorau peirianneg a gweithgynhyrchu. Mae’n cwmpasu’r sgiliau a’r wybodaeth sylfaenol sydd eu hangen i gynhyrchu cydrannau ar gyfer cydosod gan ddefnyddio offer, deunyddiau a thechnegau gwirio priodol i gyflawni’r meintiau a’r manylebau gofynnol, gan gydymffurfio â deddfwriaeth a rheoliadau iechyd a diogelwch.
- Disgwylir i ddysgwyr hefyd fynychu tiwtorialau wythnosol.
A fydd angen i mi astudio sgiliau Saesneg a Mathemateg ychwanegol?
Efallai y bydd angen i chi astudio cwrs sgiliau ychwanegol yn dibynnu ar:
- y cwrs rydych chi’n ei ddilyn yn y Coleg
- pa raddau a gawsoch chi yn eich TGAU Mathemateg a/neu Iaith Saesneg
Isod i ddarganfod pa gwrs sgiliau y gallech chi fod yn ei ddilyn yn y Coleg.
Rhaglenni llwybr dilyniant, seiliedig ar waith o fewn y Gyfadran Amgylchedd Adeiledig – byddwch chi’n astudio Sgiliau Hanfodol Cymru (SHC) mewn Cymhwyso Rhif a Chyfathrebu.
Rhaglen Twf Swyddi Cymru (JGW+) – bydd wedi’i hamserlennu mewn sesiynau llythrennedd a rhifedd. I drafod y cyfle i fynychu rhaglen ailsefyll TGAU, yn ogystal â’u hamserlen JGW+, cysylltwch â skills@pembrokeshire.ac.uk
Rhaglenni Academi Sgiliau Bywyd – bydd gennych gyfleoedd i uwchsgilio mewn Saesneg a Mathemateg trwy Becyn Cymorth Sgiliau Hanfodol Cymru (WEST) / Century neu fynychu dosbarthiadau Sgiliau Hanfodol.
Pob cwrs arall a’r rhai sydd wedi symud ymlaen trwy’r llwybr dilyniant mewnol:
Rhaglen Cyrchfan Uwchsgilio – sesiwn awr a hanner yr wythnos yn datblygu sgiliau ymchwil hanfodol, meddwl beirniadol, a thechnegau ysgrifennu academaidd, gan gefnogi llythrennedd, rhifedd, llythrennedd digidol a sgiliau cyflogadwyedd
Rhaglen Ailsefyll TGAU blwyddyn mewn TGAU Mathemateg Haen Ganolradd (cyfrwng Cymraeg neu Saesneg) / TGAU Iaith Saesneg
Cwrs uwchsgilio cyn TGAU blwyddyn neu ddwy yn y pwnc/pynciau gofynnol – Blaenoriaeth y rhaglen hon (llwybr Sylfaen Mathemateg ar gyfer Mathemateg) yw meithrin sgiliau a gwybodaeth sylfaenol, er mwyn paratoi dysgwyr ar gyfer symud ymlaen i’r rhaglen ailsefyll haen ganolradd blwyddyn o hyd.
Cwrs uwchsgilio cyn TGAU blwyddyn mewn mathemateg – Blaenoriaeth y rhaglen hon yw meithrin sgiliau a gwybodaeth sylfaenol, er mwyn paratoi dysgwyr ar gyfer symud ymlaen i’r rhaglen Mathemateg Sylfaen.
Allaf i wneud y cwrs hwn yn Gymraeg?
Sut y byddaf yn cael fy asesu?
- Asesiad parhaus yn ystod y cwrs
- Portffolio o dystiolaeth
- Arholiad ymarferol
- Arholiad ar-lein
Beth alla i ei wneud nesaf?
Gallai’r cwrs hwn arwain at gymhwyster Lefel 2 mewn Peirianneg Fecanyddol neu Lefel 2 mewn Weldio a Gwneuthuriad.
Oes angen i mi ddod â /prynu ac offer?
- Deunydd ysgrifennu - byddwch yn cael gwybod am unrhyw eitemau penodol cyn i chi ddechrau'r cwrs
- Oferols gwrth-fflam peirianneg - £35
- Esgidiau diogelwch peirianyddol - £14/£35
- Efallai eich bod yn gymwys i gael cyllid. Darganfyddwch fwy ar ein dudalen cyllid myfyrwyr
Mae unrhyw gostau uchod yn rhai bras a gallant newid.
A oes unrhyw gostau ychwanegol?
- Dim ffi dysgu
- Bydd angen i chi dalu ffi gweithdy peirianneg o £80 bob blwyddyn cyn i chi ddechrau'r cwrs
- Gallwch rentu locer am £10 y flwyddyn a bydd hwn yn cael ei ad-dalu os na fydd y locer wedi'i ddifrodi a bod allweddi'n cael eu dychwelyd
- Efallai eich bod yn gymwys i gael cyllid. Darganfyddwch fwy ar ein dudalen cyllid myfyrwyr
Mae unrhyw gostau uchod yn rhai bras a gallant newid.
