Darperir y brentisiaeth hon ar y cyd ag Academi Prentisiaethau Hywel Dda ac mae’n darparu’r sgiliau angenrheidiol ar gyfer y rhai sy’n gweithio mewn rolau gofal iechyd ac mae themâu cyffredin yn cynnwys iechyd a diogelwch, ymagweddau sy’n canolbwyntio ar yr unigolyn, gweithredu dyletswydd gofal, cyfathrebu, datblygiad personol, cydraddoldeb a chynhwysiant.

Mae’r cymhwyster Lefel 2 hwn wedi’i anelu’n bennaf at gynorthwywyr gofal iechyd sy’n gweithio mewn ysbytai clinigol, gan ddarparu cymorth i unigolion sy’n defnyddio gwasanaethau iechyd dan gyfarwyddyd ymarferydd cofrestredig proffesiynol, neu nyrs gofrestredig. Mae’n darparu’r cymhwyster craidd sy’n cydnabod rolau a gyflawnir ar hyn o bryd gan gynorthwywyr gofal iechyd.

Byddwch yn mynychu’r Coleg am un diwrnod yr wythnos.

Dim ond ar adegau penodol o’r flwyddyn y cymerir ceisiadau. Bydd angen i chi wneud cais drwy Hywel Dda yn y lle cyntaf, gwiriwch ag Academi Prentisiaethau Hywel Dda i gael gwybod pryd y bydd y sesiynau nesaf yn agor.

Darllenwch y Canllaw Gwybodaeth 2023

I gael rhagor o wybodaeth, cymwysterau neu ymholiadau am brentisiaethau, cysylltwch ag Academi Prentisiaethau Hywel Dda drwy e-bostio prentisiaeth.academy@wales.nhs.uk neu ffoniwch 07971 480755 neu ewch i’r wefan yn hduhb.nhs.wales/working-for-us/ prentisiaeth-academi