Yn ddiweddar lansiodd ECITB raglen 16 wythnos newydd gyffrous mewn cydweithrediad â Choleg Sir Benfro, cyflogwyr lleol a’r Adran Gwaith a Phensiynau.
Mae Bwrdd Hyfforddi’r Diwydiant Peirianneg Adeiladu (ECITB) yn cael ei arwain gan gyflogwyr ac yn canolbwyntio ar y sgiliau craidd a’r cymwysterau sydd eu hangen ar gyfer y datblygiad sydd ei angen ar y diwydiant crefft.
Rhennir y rhaglen yn rhaglen ddysgu 13 wythnos gyda 3 wythnos ychwanegol mewn lleoliadau gwaith sy’n cynnwys crefftau fel weldio a chynnal a chadw mecanyddol. Bydd dysgwyr yn dilyn cymhwyster galwedigaethol lle byddant yn uwchsgilio mewn prosesau ffabrigo a weldio, technegau cynnal a chadw a sgiliau gosod â dwylo. Mae hyn yn galluogi’r dysgwyr i fod yn barod am waith ac yn lled-fedrus i fodloni gofynion diwydiant lleol.
Eglurodd Martyn Johnson, Pennaeth Ymgysylltu Strategol bwysigrwydd hanfodol y rhaglen hon i ddiwydiant: “Mae’r ECITB, yn ei strategaeth bresennol ‘Arwain Dysgu yn y Diwydiant’, wedi addo ehangu llwybrau mynediad i’r diwydiant peirianneg ac adeiladu. Mae’r rhaglen Barod am Waith yn enghraifft wych o lwybr o’r fath ac mae’n fodel cydweithredol wedi’i ariannu ar y cyd rhwng cyflogwyr lleol, Coleg Sir Benfro, DWP a’r ECITB. Mae Barod am Waith yn defnyddio mecanweithiau ariannu presennol, sy’n ei wneud yn raddadwy, er mwyn sicrhau budd i’w bartneriaid ac yn bwysicach fyth i’r diwydiant peirianneg ac adeiladu ehangach.”
Yn ystod y rhaglen bydd dysgwyr yn gweithio’n agos gyda Providence Training Ltd i gwblhau cymwysterau ychwanegol sy’n barod ar gyfer y safle fel CCNSG, hyfforddiant mannau cyfyng, gweithio ar uchder ac olwynion sgraffiniol.
Dechreuodd y broses o gyfweld dysgwyr cyn ymuno â’r rhaglen wrth i gyflogwyr lleol gydweithio’n agos. Y cyflogwyr hyn oedd Rhyal Engineering, Jenkins a Davies, Puma, yr Adran Gwaith a Phensiynau ac EDF Energy.
Eglurodd William Bateman, Rheolwr Maes Cwricwlwm Peirianneg: “Mae hwn yn gyfle gwych i ddysgwyr ailddechrau eu gyrfa ac mae’n gwrs gwych lle bydd dysgwyr yn canolbwyntio ar eu sgiliau craidd mewn peirianneg rydyn ni wedi’u trafod gyda chyflogwyr. Rydw i’n edrych ymlaen at ddarganfod eu cyrchfannau ar ddiwedd y rhaglen. Fyddai hyn ddim wedi bod yn bosib heb gefnogaeth anhygoel ECITB a’r mewnbwn gwych gan gyflogwyr.”
