Aeth Cyn-gadetiaid Peirianneg Forol Uwch ar daith wych yn ystod eu hymweliad â Diwrnod Agored Ysgol Forwrol Warsash.
Aeth darpar forwyr ar ymweliad deuddydd llawn cyffro â Southampton, a chael profiad go iawn o’r diwydiant morwrol. Dechreuodd eu taith ddydd Gwener gyda sesiynau trochi yn y Ganolfan Efelychu Morwrol, lle cawson nhw flas ar fywyd ar y môr trwy efelychiadau datblygedig.
Ar ail ddiwrnod eu hymweliad, croesawyd y Cyn-gadetiaid gan Matthew Stewart, Dirprwy Gyfarwyddwr yr Ysgol. Cawson nhw sesiynau ar fywyd swyddog morwrol, cyfle i archwilio’r cyfleusterau o safon fyd-eang ar y campws a chyfle i gysylltu â chwmnïau llongau noddi.
Dywedodd Tim Berry, Darlithydd Morwrol ar gyfer y Gyfadran Peirianneg a Chyfrifiadureg: “Roedd yn gyfle gwych i’n Cyn-gadetiaid Peirianneg Forol archwilio opsiynau gyrfa yn y Diwydiant Morwrol. Gan ddod i gyswllt â chwmnïau llongau, asiantaethau recriwtio a chadetiaid morwrol, roedd y cyfleusterau hyfforddi hynod fodern a ddangoswyd gan Ysgol Forwrol Warsash yn ein gadael ni’n gyffrous am y daith o’n blaenau.”
Diolch o galon i Borthladd Aberdaugleddau am noddi’r gwisgoedd morwrol, ac i Ymddiriedolaeth Forwrol Reardon am noddi’r addysg gyfoethogi, sy’n cynnwys cyfres o gyrsiau proffesiynol yr RYA.
Dysgwch fwy am ein cwrs Cyn Cadetiaeth Peirianneg Forol Uwch.
