Wedi’i gynnal gan Gasgliad Seren, yr wythnos diwethaf cynhaliodd Fforwm y Cogyddion arddangosfa o gynaliadwyedd ym Mwyty’r Arfordir yn Saundersfoot gyda chogyddion a chynhyrchwyr Cymreig yn mwynhau popeth sydd gan Gymru i’w gynnig.
Cafodd y cinio arbennig, a oedd hefyd yn dathlu 10fed Pen-blwydd Fforwm y Cogyddion, ei goginio gan gogyddion o Grŵp Seren ac roedd yn cynnwys caws, pysgod a chig eidion Cymreig yn ogystal â ffrwythau a llysiau.
Roedd myfyrwyr lletygarwch o Goleg Sir Benfro yn bresennol yn y digwyddiad, yn gweithio ym mlaen a chefn y tŷ, gan arddangos eu sgiliau rhagorol i westeion o’r diwydiant. Roedd Wendy Weber, Pennaeth y Gyfadran Lletygarwch yng Ngholeg Sir Benfro, yn bresennol yn y digwyddiad a dywedodd: “Cymryd rhan yn Fforwm y Cogyddion ac Academi Fforwm y Cogyddion oedd y cam gorau a wnaethom ar gyfer ein myfyrwyr lletygarwch ac arlwyo. Mae’r cyfleoedd y mae wedi’u hagor o ran profiad gwaith, cyfoethogi’r cwricwlwm drwy ddosbarthiadau meistr ac ymgysylltu â chyflogwyr yn gweithio mor dda i ni. Ddwy flynedd yn ddiweddarach ac ni allem fod yn hapusach. Rydyn ni hefyd yn edrych ymlaen at gynnal diwrnod blasu’r diwydiant lletygarwch yn fuan iawn i yrru’r cofrestriad ymlaen i’n cyrsiau fis Medi yma.”
Ychwanegodd Neil Kedward, Rheolwr Sylfaenydd a Rheolwr Gyfarwyddol, Grŵp Seren: “Mae cynaliadwyedd yn hanfodol i’n agwedd o fewn Seren ac felly rydym yn falch iawn o weithio mewn partneriaeth â Fforwm y Cogyddion a Choleg Sir Benfro i dynnu sylw at ymdrechion y sector lletygarwch yn y modd yma. Mae creu dyfodol cynaliadwy i’r economi ymwelwyr yn Sir Benfro mor bwysig ac mae gan letygarwch ran allweddol i’w chwarae.”
Roedd y cinio yn cynnwys:
- Tortellini caws Eryri, shallot & morels gan Hywel Griffiths, The Beach House
- Morleisiaid, gwymon a thatws gan Fred Clapperton, The Coast
- Cig Eidion, Alliums a shiitake wedi’i eplesu gan Dougie Balish, The Grove yn Arberth
- Riwbob, llaeth gafr a briwydd gan Fred Clapperton, The Coast
Roedd Castell Howell, Flying Fish a Foie Royale i gyd yn falch o gefnogi’r digwyddiad.
Dywedodd Catherine Farinha, Cyfarwyddwr Fforwm y Cogyddion: “Mae’r digwyddiadau hyn yn amhrisiadwy nid yn unig i’r gwesteion ond hefyd i’r cogyddion a’r cyflenwyr. Mae’n arddangosfa o gynhwysion, cynhyrchion, technoleg a sgiliau coginio. Diolch yn fawr iawn i Gasgliad Seren am ein croesawu. Mae blwyddyn ein dengmlwyddiant yn gwella ac yn gwella o hyd!”
Darganfod mwy am gyrsiau lletygarwch y Coleg.
