Gall pobl o unrhyw oedran ymgymryd â phrentisiaeth mewn Cynnal a Chadw Adeiladu. Os ydych chi’n gweithio mewn adeiladu ond ddim yn barod i arbenigo mewn un grefft, neu os ydych chi’n gweithio mewn rôl cynnal a chadw eiddo, dyma’r brentisiaeth i chi. Bydd y cwrs yn cynnwys:

• Hyfforddiant yn y coleg un diwrnod yr wythnos
• Cymhwyster NVQ sy’n cael ei asesu yn y gweithle
• Cymwysterau Llythrennedd, Rhifedd a Llythrennedd Digidol oni bai eich bod wedi’ch eithrio

I wneud cais am brentisiaeth, rhaid bod gennych gyflogwr sy’n fodlon eich cyflogi am hyd eich prentisiaeth. Ni ellir cyflawni cymwysterau heb gyflogaeth yn y fasnach.

Bydd angen i’ch cyflogwr:

• Gallu eich rhyddhau un diwrnod yr wythnos i fynychu’r coleg
• Rhoi tystiolaeth i ni o yswiriant addas a thystiolaeth o’ch statws cyflogaeth
• Bod yn hapus i drafod gweithdrefnau Iechyd a Diogelwch gyda’ch asesydd
• Talu’r isafswm cyflog cenedlaethol priodol i chi, gan gynnwys ar gyfer diwrnodau coleg

Yn y gweithle, bydd angen i chi fod yn gweithio ar o leiaf 2 o’r meysydd canlynol:

• Cynnal a Chadw Gwaith Coed
• Peintio ac Addurno
• Teilsio
• Plastro
• Toeau
• Trywel/ Gwaith Maen

Dosbarthu

• Yn y coleg: Un diwrnod yr wythnos yn y coleg dros 18 mis i ddwy flynedd yn dibynnu ar gymwysterau blaenorol a phrofiad yn y diwydiant.

• Yn y gweithle: Rhaid i gyflogwyr gytuno i ymweliadau asesydd misol wedi’u cynllunio i’ch arsylwi a hefyd i drafod eich cynnydd gyda goruchwyliwr.

Rhaid i ddysgwyr fod yn 16 oed o leiaf ac mewn cyflogaeth am o leiaf 16 awr yr wythnos. Os nad oes gennych gyflogwr ond hoffech ymuno â’r cwrs hyfforddi un diwrnod yr wythnos o hyd, dylech wneud cais am Atgyweirio Eiddo rhan-amser.

Mae lleoedd ar Raglenni Prentisiaeth yn gyfyngedig ac yn amodol ar gapasiti. Nid yw cynnig cyflogaeth yn gwarantu lle ar unwaith yn y coleg.