Gall pobl o unrhyw oedran ddilyn prentisiaeth mewn Gosod Brics. Mae mynediad yn amodol ar gyfweliad. Mae Prentisiaethau mewn Gosod Brics yn cynnwys:

• Hyfforddiant yn y coleg un diwrnod yr wythnos
• Cymhwyster NVQ sy’n cael ei asesu yn y gweithle
• Cymwysterau Llythrennedd, Rhifedd a Llythrennedd Digidol oni bai eich bod wedi’ch eithrio
• Os nad ydych wedi cwblhau “Sylfaen” neu “Graidd” mewn Adeiladu a Gwasanaethau Adeiladu, bydd angen i chi ymgymryd â Lefel 2 “Craidd mewn Adeiladu a Gwasanaethau Adeiladu” fel rhan o’r Brentisiaeth hon.

I wneud cais am brentisiaeth, mae’n rhaid bod gennych gyflogwr sy’n fodlon eich cyflogi drwy gydol eich prentisiaeth. Ni ellir cyflawni cymwysterau Gosod Brics Lefel 3 heb gyflogaeth yn y grefft.

Bydd angen i’ch cyflogwr:

• Allu eich rhyddhau un diwrnod yr wythnos i fynychu’r coleg
• Rhoi tystiolaeth o yswiriant addas i ni a thystiolaeth o’ch statws cyflogaeth
• Bod yn hapus i drafod gweithdrefnau Iechyd a Diogelwch gyda’ch aseswr
• Talu’r isafswm cyflog cenedlaethol priodol i chi, gan gynnwys diwrnodau coleg

Cyflwyno

• Yn y coleg: un diwrnod yr wythnos yn y coleg dros 2-3 blynedd yn dibynnu ar gymwysterau blaenorol a phrofiad diwydiant.
• Yn y gweithle: Rhaid i gyflogwyr gytuno i ymweliadau aseswr wedi’u cynllunio bob mis i’ch arsylwi ac i drafod eich cynnydd gyda goruchwyliwr.

Rhaid i ddysgwyr fod yn 16 oed o leiaf ac mewn cyflogaeth am o leiaf 16 awr yr wythnos. Os nad oes gennych chi gyflogwr ond yr hoffech chi ddal ymuno â’r cwrs hyfforddi un diwrnod yr wythnos, ewch i’r dudalen Dysgwyr sy’n Oedolion – ‘Gwaith Brics – Craidd‘.

Mae lleoedd ar Raglenni Prentisiaeth yn gyfyngedig ac yn amodol ar gapasiti. Nid yw cynnig cyflogaeth yn gwarantu lle ar unwaith yn y coleg.