Diploma Mynediad i Addysg Uwch (Gofal Iechyd)
Mae cwrs Mynediad yn gyfle dysgu dwys, wedi’i anelu at oedolion sy’n dymuno astudio yn y brifysgol ond nad oes ganddyn nhw o reidrwydd y cymwysterau i wneud cais.
Ydy'r cwrs hwn yn iawn i mi?
Mae’r cwrs hwn wedi’i gynllunio ar gyfer dysgwyr sydd efallai heb unrhyw gymwysterau diweddar sy’n eu galluogi i gael mynediad i gwrs lefel gradd. Bydd y dysgwr yn cael trosolwg cadarn o iechyd gan gwmpasu agweddau corfforol, cymdeithasol a seicolegol.
Mae hwn yn gwrs dwys sy’n gofyn am lefel uchel o ymroddiad ac yn ddelfrydol presenoldeb 100%. Bydd gofyn i chi astudio y tu allan i oriau arferol y coleg er mwyn cwblhau aseiniadau a darllen cefndir. Rhaid i ymgeiswyr fod yn sicr eu bod yn barod ar gyfer gofynion academaidd a llwyth gwaith y rhaglen er mwyn cyflawni’r Diploma i safon sy’n ofynnol ar gyfer mynediad i’r brifysgol.
Noder y gallai fod gofyn i chi gwblhau cyflwyniad i raglen astudio ar-lein yn ystod yr Haf. Darperir rhagor o wybodaeth yn eich cyfarfod cwrs.
Mae’r cwrs hwn fel arfer yn rhedeg dros dri diwrnod yr wythnos.
Beth yw'r gofynion mynediad?
- Dau TGAU gradd C neu uwch i gynnwys Saesneg Iaith/Cymraeg Iaith Gyntaf a Mathemateg
- Mae sgiliau bywyd, profiad ac aeddfedrwydd yn bwysig
- Cwblhau rhaglen astudio haf yn llwyddiannus
- Ystyrir pob cais ar sail teilyngdod unigol
- Mae mynediad yn amodol ar fynychu cyfarfod cwrs neu gyfweliad anffurfiol
- Mae ymgeiswyr fel arfer yn 19 oed neu'n hŷn cyn dechrau'r cwrs
Os ydych wedi ennill eich cymwysterau y tu allan i’r DU byddwn yn defnyddio ECCTIS i wirio eu cyfwerthedd â chymwysterau’r DU. Lanlwythwch dystiolaeth o’ch cymwysterau fel rhan o’r broses ymgeisio.
Myfyriwr cyfredol - beth yw'r gofynion mynediad?
- Cwblhau rhaglen perthnasol yn llwyddiannus (gan gynnwys sgiliau) a phenderfyniad o gyfarfod y bwrdd dilyniant
- TGAU Saesneg Iaith/Cymraeg Iaith Gyntaf gradd C neu uwch
- TGAU Mathemateg gradd C neu uwch
- Cwblhau rhaglen astudio haf yn llwyddiannus
Beth fydda i'n ei ddysgu?
Mae’r unedau i’w hastudio yn cynnwys:
- Rhifedd ar gyfer gweithwyr iechyd proffesiynol
- Rhifedd ar gyfer gweithwyr iechyd proffesiynol – cymhwysiad gwyddonol
- Trin data a thebygolrwydd
- Sgiliau academaidd
- Cyfathrebu ar gyfer gwaith iechyd
- Ymddygiadau proffesiynol ar gyfer gweithwyr gofal iechyd proffesiynol
- System gardiofasgwlaidd
- System arennol ddynol
- Resbiradaeth ysgyfeiniol
- System ysgerbydol ddynol
- Systemau atgenhedlu dynol
- Strwythur celloedd a chludiant
- Effeithiau ffordd o fyw ar iechyd
- Iechyd, Addysg ac Ymddygiad
- Straen a Rheoli straen
- Agweddau damcaniaethol at seicoleg
- Safbwyntiau cymdeithaseg
- Traethawd estynedig
A fydd angen i mi astudio sgiliau Saesneg a Mathemateg ychwanegol?
Efallai y bydd angen i chi astudio cwrs sgiliau ychwanegol yn dibynnu ar:
- y cwrs rydych chi’n ei ddilyn yn y Coleg
- pa raddau a gawsoch chi yn eich TGAU Mathemateg a/neu Iaith Saesneg
Isod i ddarganfod pa gwrs sgiliau y gallech chi fod yn ei ddilyn yn y Coleg.
Rhaglenni llwybr dilyniant, seiliedig ar waith o fewn y Gyfadran Amgylchedd Adeiledig – byddwch chi’n astudio Sgiliau Hanfodol Cymru (SHC) mewn Cymhwyso Rhif a Chyfathrebu.
Rhaglen Twf Swyddi Cymru (JGW+) – bydd wedi’i hamserlennu mewn sesiynau llythrennedd a rhifedd. I drafod y cyfle i fynychu rhaglen ailsefyll TGAU, yn ogystal â’u hamserlen JGW+, cysylltwch â skills@pembrokeshire.ac.uk
Rhaglenni Academi Sgiliau Bywyd – bydd gennych gyfleoedd i uwchsgilio mewn Saesneg a Mathemateg trwy Becyn Cymorth Sgiliau Hanfodol Cymru (WEST) / Century neu fynychu dosbarthiadau Sgiliau Hanfodol.
Pob cwrs arall a’r rhai sydd wedi symud ymlaen trwy’r llwybr dilyniant mewnol:
Rhaglen Cyrchfan Uwchsgilio – sesiwn awr a hanner yr wythnos yn datblygu sgiliau ymchwil hanfodol, meddwl beirniadol, a thechnegau ysgrifennu academaidd, gan gefnogi llythrennedd, rhifedd, llythrennedd digidol a sgiliau cyflogadwyedd
Rhaglen Ailsefyll TGAU blwyddyn mewn TGAU Mathemateg Haen Ganolradd (cyfrwng Cymraeg neu Saesneg) / TGAU Iaith Saesneg
Cwrs uwchsgilio cyn TGAU blwyddyn neu ddwy yn y pwnc/pynciau gofynnol – Blaenoriaeth y rhaglen hon (llwybr Sylfaen Mathemateg ar gyfer Mathemateg) yw meithrin sgiliau a gwybodaeth sylfaenol, er mwyn paratoi dysgwyr ar gyfer symud ymlaen i’r rhaglen ailsefyll haen ganolradd blwyddyn o hyd.
Cwrs uwchsgilio cyn TGAU blwyddyn mewn mathemateg – Blaenoriaeth y rhaglen hon yw meithrin sgiliau a gwybodaeth sylfaenol, er mwyn paratoi dysgwyr ar gyfer symud ymlaen i’r rhaglen Mathemateg Sylfaen.
Allaf i wneud y cwrs hwn yn Gymraeg?
Sut y byddaf yn cael fy asesu?
- Asesiad parhaus yn ystod y cwrs
- Asesiad ymarferol yn ystod y cwrs
- Portffolio o dystiolaeth
Beth alla i ei wneud nesaf?
Gallai gyrfaoedd yn y dyfodol gynnwys: Nyrsio, Bydwreigiaeth, Iechyd Galwedigaethol, Podiatreg, Therapi Lleferydd, Gwyddor Chwaraeon a Therapi Cyflenwol.
Oes angen i mi ddod â /prynu ac offer?
- Deunydd ysgrifennu - byddwch yn cael gwybod am unrhyw eitemau penodol cyn i chi ddechrau'r cwrs
- Gwerslyfrau - byddwch yn cael gwybod am unrhyw eitemau penodol cyn i chi ddechrau'r cwrs, mae'r rhan fwyaf o werslyfrau ar gael i'w benthyg o lyfrgell y coleg neu lyfrgelloedd ar-lein
- Cofbin/gyriant caled USB bach cludadwy
- Efallai eich bod yn gymwys i gael cyllid. Darganfyddwch fwy ar ein dudalen cyllid myfyrwyr
Mae unrhyw gostau uchod yn rhai bras a gallant newid.
A oes unrhyw gostau ychwanegol?
- Dim ffi dysgu
- Bydd angen i chi dalu ffi gweithdy mynediad o £35 bob blwyddyn cyn i chi ddechrau'r cwrs
- Gallwch rentu locer am £10 y flwyddyn a bydd hwn yn cael ei ad-dalu os na fydd y locer wedi'i ddifrodi a bod allweddi'n cael eu dychwelyd
- Efallai eich bod yn gymwys i gael cyllid. Darganfyddwch fwy ar ein dudalen cyllid myfyrwyr
Mae unrhyw gostau uchod yn rhai bras a gallant newid.
