Diploma Lefel 3 NVQ VTCT mewn Trin Gwallt (6008-03)
Mae’r cwrs hwn yn darparu dilyniant o Lefel 2 ac wedi’i gynllunio i’ch darparu â sgiliau uwch mewn torri, steilio a lliwio. Trwy gydol y cwrs byddwch yn cael eich annog i ddangos eich creadigrwydd ac i ddechrau adeiladu eich steil neilltuol eich hun.
Ydy'r cwrs hwn yn iawn i mi?
Mae’r cwrs yn adeiladu ar eich sgiliau presennol ac yn anelu at eich paratoi ar gyfer gwaith mewn salonau.
Yn ystod y cwrs byddwch yn dysgu sgiliau uwch mewn steilio, torri a lliwio. Bydd y cwrs yn parhau i feithrin eich hyder a bydd yn rhoi sylfaen gadarn i chi yn y sgiliau sydd eu hangen i weithio mewn llawer o wahanol leoliadau, o’r stryd fawr i’r ‘catwalk’ i longau mordaith. Trwy gydol y cwrs byddwch yn cael eich annog i ddangos eich creadigrwydd i greu steiliau anhygoel.
Bydd y cwrs hwn hefyd yn cynnwys sesiynau masnachol gyda’r nos y bydd disgwyl i chi eu mynychu er mwyn cael profiad masnachol. Felly, bydd gofyn i chi wneud eich trefniadau cludiant eich hun.
Sylwch ni chaniateir i ddysgwyr wisgo tlwsdyllau’r wyneb ar y cwrs hwn.
Canllaw i Gyrsiau Harddwch
Beth yw'r gofynion mynediad?
- Fel arfer nid oes mynediad uniongyrchol i'r cwrs hwn, byddai angen i chi symud ymlaen o gwblhau lefel flaenorol yn llwyddiannus yn y maes pwnc hwn neu debyg
- Bydd disgwyl i chi fod mewn swydd berthnasol
- Mae angen sgiliau cyfathrebu a chyflwyniad personol da
- Ystyrir pob cais ar sail teilyngdod unigol
- Mae mynediad yn amodol ar fynychu cyfarfod cwrs neu gyfweliad anffurfiol
Os ydych wedi ennill eich cymwysterau y tu allan i’r DU byddwn yn defnyddio ECCTIS i wirio eu cyfwerthedd â chymwysterau’r DU. Lanlwythwch dystiolaeth o’ch cymwysterau fel rhan o’r broses ymgeisio.
Myfyriwr cyfredol - beth yw'r gofynion mynediad?
- Cwblhau rhaglen Lefel 2 perthnasol yn llwyddiannus (gan gynnwys sgiliau) a phenderfyniad o gyfarfod y bwrdd dilyniant
Beth fydda i'n ei ddysgu?
Fel rhan o’r cwrs byddwch yn astudio’r unedau canlynol:
- Steilio a gwisgo gwallt yn greadigol
- Torri gwallt yn greadigol gan ddefnyddio cyfuniad o dechnegau
- Lliwio ac ysgafnhau gwallt yn greadigol
- Darparu gwasanaethau ymgynghori
- Datblygu, gwella a gwerthuso eich sgiliau trin gwallt creadigol
Trwy gydol y cwrs bydd ffocws ar sgiliau llythrennedd a rhifedd ynghyd â datblygu eich gwybodaeth am faterion cynaliadwy, dinasyddiaeth, dwyieithrwydd, menter a diwylliant Cymru. Bydd disgwyl i chi hefyd fynychu tiwtorialau wythnosol.
Bydd disgwyl i chi wneud profiad gwaith mewn salon yn ystod y cwrs.
A fydd angen i mi astudio sgiliau Saesneg a Mathemateg ychwanegol?
Efallai y bydd angen i chi astudio cwrs sgiliau ychwanegol yn dibynnu ar:
- y cwrs rydych chi’n ei ddilyn yn y Coleg
- pa raddau a gawsoch chi yn eich TGAU Mathemateg a/neu Iaith Saesneg
Isod i ddarganfod pa gwrs sgiliau y gallech chi fod yn ei ddilyn yn y Coleg.
Rhaglenni llwybr dilyniant, seiliedig ar waith o fewn y Gyfadran Amgylchedd Adeiledig – byddwch chi’n astudio Sgiliau Hanfodol Cymru (SHC) mewn Cymhwyso Rhif a Chyfathrebu.
Rhaglen Twf Swyddi Cymru (JGW+) – bydd wedi’i hamserlennu mewn sesiynau llythrennedd a rhifedd. I drafod y cyfle i fynychu rhaglen ailsefyll TGAU, yn ogystal â’u hamserlen JGW+, cysylltwch â skills@pembrokeshire.ac.uk
Rhaglenni Academi Sgiliau Bywyd – bydd gennych gyfleoedd i uwchsgilio mewn Saesneg a Mathemateg trwy Becyn Cymorth Sgiliau Hanfodol Cymru (WEST) / Century neu fynychu dosbarthiadau Sgiliau Hanfodol.
Pob cwrs arall a’r rhai sydd wedi symud ymlaen trwy’r llwybr dilyniant mewnol:
Rhaglen Cyrchfan Uwchsgilio – sesiwn awr a hanner yr wythnos yn datblygu sgiliau ymchwil hanfodol, meddwl beirniadol, a thechnegau ysgrifennu academaidd, gan gefnogi llythrennedd, rhifedd, llythrennedd digidol a sgiliau cyflogadwyedd
Rhaglen Ailsefyll TGAU blwyddyn mewn TGAU Mathemateg Haen Ganolradd (cyfrwng Cymraeg neu Saesneg) / TGAU Iaith Saesneg
Cwrs uwchsgilio cyn TGAU blwyddyn neu ddwy yn y pwnc/pynciau gofynnol – Blaenoriaeth y rhaglen hon (llwybr Sylfaen Mathemateg ar gyfer Mathemateg) yw meithrin sgiliau a gwybodaeth sylfaenol, er mwyn paratoi dysgwyr ar gyfer symud ymlaen i’r rhaglen ailsefyll haen ganolradd blwyddyn o hyd.
Cwrs uwchsgilio cyn TGAU blwyddyn mewn mathemateg – Blaenoriaeth y rhaglen hon yw meithrin sgiliau a gwybodaeth sylfaenol, er mwyn paratoi dysgwyr ar gyfer symud ymlaen i’r rhaglen Mathemateg Sylfaen.
Allaf i wneud y cwrs hwn yn Gymraeg?
Sut y byddaf yn cael fy asesu?
- Asesiad parhaus yn ystod y cwrs
- Portffolio o dystiolaeth
- Arholiad ymarferol
- Arholiad ar-lein
Beth alla i ei wneud nesaf?
Gallai cwblhau’r cwrs hwn yn llwyddiannus a symud ymlaen i raglen lefel uwch arwain at nifer o gyfleoedd gyrfa yn y dyfodol gan gynnwys: Triniwr Gwallt Iau, Steilydd, Lliwiwr, Barbwr, Rheolwr Salon, Cyfarwyddwr Creadigol.
Mae ystod eang o gyfleoedd i ddysgwyr ar ôl cwblhau’r cwrs hwn, gan gynnwys gweithio fel steilydd mewn salon, hunangyflogaeth, gwaith teledu, theatr, ffilmiau, a gwaith sesiwn gyda ffotograffydd.
Oes angen i mi ddod â /prynu ac offer?
- Gwerslyfrau - byddwch yn cael gwybod am unrhyw eitemau penodol cyn i chi ddechrau'r cwrs, mae'r rhan fwyaf o werslyfrau ar gael i'w benthyg o lyfrgell y coleg neu lyfrgelloedd ar-lein
- Byddai’n fuddiol, ond ddim yn hanfodol, dod â’ch dyfais/gliniadur eich hun i gefnogi eich astudiaethau
- Offer a Gwisg Trin Gwallt - mae hwn yn cynnwys y pethau sylfaenol y bydd eu hangen arnoch yn ystod y cwrs ac i'r dyfodol - £400
- Efallai eich bod yn gymwys i gael cyllid. Darganfyddwch fwy ar ein dudalen cyllid myfyrwyr
Mae unrhyw gostau uchod yn rhai bras a gallant newid.
A oes unrhyw gostau ychwanegol?
- Dim ffi dysgu
- Bydd angen i chi dalu ffi gweithdy trin gwallt o £50 bob blwyddyn cyn i chi ddechrau cwrs Lefel 3
- Efallai eich bod yn gymwys i gael cyllid. Darganfyddwch fwy ar ein dudalen cyllid myfyrwyr
Mae unrhyw gostau uchod yn rhai bras a gallant newid.
