Diploma Lefel 3 City & Guilds mewn Peirianneg Ffabrigo a Weldio (2850-32)
Mae’r cwrs hwn wedi’i anelu at ddysgwyr sy’n dymuno datblygu sgiliau uwch mewn peirianneg ffabrigo a weldio, gan adeiladu ar gymwysterau Lefel 2 i baratoi ar gyfer cyflogaeth lefel uwch neu brentisiaethau yn y sector peirianneg.
Ydy'r cwrs hwn yn iawn i mi?
Mae’r galw am weldwyr, ffabrigwyr a gosodwyr pibellau medrus yn parhau i dyfu’n sylweddol. Mae Sir Benfro wedi gweld datblygiadau cyffrous o fewn olew a nwy a’r sector ynni adnewyddadwy sy’n tyfu, gan ddangos y bydd galw sylweddol am weldwyr, ffabrigwyr a gosodwyr pibellau medrus uwch am flynyddoedd lawer i ddod. Bydd y rhaglen Lefel 3 hon yn datblygu sgiliau a gwybodaeth i safon uwch, gan alluogi dysgwyr i ymgymryd â rolau peirianneg mwy cymhleth a heriol.
Beth yw'r gofynion mynediad?
- Fel arfer nid oes mynediad uniongyrchol i'r cwrs hwn, byddai angen i chi symud ymlaen o gwblhau lefel flaenorol yn llwyddiannus yn y maes pwnc hwn neu debyg
Os ydych wedi ennill eich cymwysterau y tu allan i’r DU byddwn yn defnyddio ECCTIS i wirio eu cyfwerthedd â chymwysterau’r DU. Lanlwythwch dystiolaeth o’ch cymwysterau fel rhan o’r broses ymgeisio.
Myfyriwr cyfredol - beth yw'r gofynion mynediad?
- Cwblhau rhaglen Lefel 2 perthnasol yn llwyddiannus (gan gynnwys sgiliau) a phenderfyniad o gyfarfod y bwrdd dilyniant
Beth fydda i'n ei ddysgu?
Bydd y cwrs yn cynnwys y modiwlau canlynol:
- • Egwyddorion Peirianneg – Dysgu sut mae pethau’n gweithio a pham – cael profiad ymarferol o luniadau technegol, cyfrifiadau peirianneg sylfaenol, a gwyddoniaeth graidd, wrth archwilio priodweddau deunyddiau a rheoli ansawdd.
- • Egwyddorion Ffabrigo a Weldio – Mae’r uned hon yn edrych ar ddeunyddiau ffabrigo, uno gan ddefnyddio dulliau anthermol, symbolau weldio, a materion cyffredin fel afluniad a diffygion. Dysgu am ddulliau profi, gan gynnwys technegau annistrywiol (NDT) a dinistriol.
- • Weldio Arc Metel â Llaw – Meistroli sgiliau weldio MMA ar draws ystod o gyfluniadau uniadau heriol sy’n cydymffurfio â manylebau gweithdrefn weldio. Dysgu am offer, nwyddau traul, iechyd a diogelwch, a chynhyrchu a gwerthuso uniadau wedi’u weldio.
- • Weldio MIG – Meistroli sgiliau weldio MIG uwch wrth weithio ar uniadau cymhleth mewn sawl safle. Canolbwyntio ar dechnegau byd go iawn, trin offer, iechyd a diogelwch, a chynhyrchu a gwerthuso uniadau wedi’u weldio.
- • Ffabrigo Platiau – Dysgu sut i gynllunio, dylunio ac adeiladu platiau—o ffabrigiadau syml i strwythurau cymhleth fel pibellau gwasgedd a thrawstiau. Datblygu sgiliau mewn marcio allan, torri, ffurfio a chydosod gan ddefnyddio technegau bolltio a weldio.
- • Iechyd a Diogelwch Peirianneg – Y gofynion hanfodol ar gyfer gweithio mewn peirianneg—o reoliadau cyfreithiol a gweithdrefnau gweithle i ganfod peryglon, rheoli risgiau, a thrin adrodd damweiniau a rheolaeth amgylcheddol.
A fydd angen i mi astudio sgiliau Saesneg a Mathemateg ychwanegol?
Efallai y bydd angen i chi astudio cwrs sgiliau ychwanegol yn dibynnu ar:
- y cwrs rydych chi’n ei ddilyn yn y Coleg
- pa raddau a gawsoch chi yn eich TGAU Mathemateg a/neu Iaith Saesneg
Isod i ddarganfod pa gwrs sgiliau y gallech chi fod yn ei ddilyn yn y Coleg.
Rhaglenni llwybr dilyniant, seiliedig ar waith o fewn y Gyfadran Amgylchedd Adeiledig – byddwch chi’n astudio Sgiliau Hanfodol Cymru (SHC) mewn Cymhwyso Rhif a Chyfathrebu.
Rhaglen Twf Swyddi Cymru (JGW+) – bydd wedi’i hamserlennu mewn sesiynau llythrennedd a rhifedd. I drafod y cyfle i fynychu rhaglen ailsefyll TGAU, yn ogystal â’u hamserlen JGW+, cysylltwch â skills@pembrokeshire.ac.uk
Rhaglenni Academi Sgiliau Bywyd – bydd gennych gyfleoedd i uwchsgilio mewn Saesneg a Mathemateg trwy Becyn Cymorth Sgiliau Hanfodol Cymru (WEST) / Century neu fynychu dosbarthiadau Sgiliau Hanfodol.
Pob cwrs arall a’r rhai sydd wedi symud ymlaen trwy’r llwybr dilyniant mewnol:
Rhaglen Cyrchfan Uwchsgilio – sesiwn awr a hanner yr wythnos yn datblygu sgiliau ymchwil hanfodol, meddwl beirniadol, a thechnegau ysgrifennu academaidd, gan gefnogi llythrennedd, rhifedd, llythrennedd digidol a sgiliau cyflogadwyedd
Rhaglen Ailsefyll TGAU blwyddyn mewn TGAU Mathemateg Haen Ganolradd (cyfrwng Cymraeg neu Saesneg) / TGAU Iaith Saesneg
Cwrs uwchsgilio cyn TGAU blwyddyn neu ddwy yn y pwnc/pynciau gofynnol – Blaenoriaeth y rhaglen hon (llwybr Sylfaen Mathemateg ar gyfer Mathemateg) yw meithrin sgiliau a gwybodaeth sylfaenol, er mwyn paratoi dysgwyr ar gyfer symud ymlaen i’r rhaglen ailsefyll haen ganolradd blwyddyn o hyd.
Cwrs uwchsgilio cyn TGAU blwyddyn mewn mathemateg – Blaenoriaeth y rhaglen hon yw meithrin sgiliau a gwybodaeth sylfaenol, er mwyn paratoi dysgwyr ar gyfer symud ymlaen i’r rhaglen Mathemateg Sylfaen.
Allaf i wneud y cwrs hwn yn Gymraeg?
Sut y byddaf yn cael fy asesu?
- Asesiad parhaus yn ystod y cwrs
- Portffolio o dystiolaeth
- Gwaith aseiniad
- Arholiad ymarferol
- Arholiad ar-lein
Beth alla i ei wneud nesaf?
Gallai cwblhau’r cwrs hwn yn llwyddiannus arwain at brentisiaeth weldio neu ffabrigo uwch, neu gyflogaeth uniongyrchol mewn rolau weldio a ffabrigo medrus.
Oes angen i mi ddod â /prynu ac offer?
- Deunydd ysgrifennu - byddwch yn cael gwybod am unrhyw eitemau penodol cyn i chi ddechrau'r cwrs
- Oferols gwrth-fflam peirianneg - £35
- Esgidiau diogelwch peirianyddol - £14/£35
- Efallai eich bod yn gymwys i gael cyllid. Darganfyddwch fwy ar ein dudalen cyllid myfyrwyr
Mae unrhyw gostau uchod yn rhai bras a gallant newid.
A oes unrhyw gostau ychwanegol?
- Dim ffi dysgu
- Bydd angen i chi dalu ffi gweithdy peirianneg o £100 bob blwyddyn cyn i chi ddechrau'r cwrs
- Gallwch rentu locer am £10 y flwyddyn a bydd hwn yn cael ei ad-dalu os na fydd y locer wedi'i ddifrodi a bod allweddi'n cael eu dychwelyd
- Efallai eich bod yn gymwys i gael cyllid. Darganfyddwch fwy ar ein dudalen cyllid myfyrwyr
Mae unrhyw gostau uchod yn rhai bras a gallant newid.
