Diploma Lefel 2 UAL mewn Celf a Dylunio
Wedi’i gynllunio ar gyfer meddyliau creadigol, mae’r cwrs hwn yn rhoi cyfle i ddysgwyr archwilio ystod eang o ddefnyddiau, technegau a phrosesau wrth feithrin y sgiliau ymarferol sydd eu hangen i wireddu eu syniadau mewn celf a dylunio.
Ydy'r cwrs hwn yn iawn i mi?
Mae’r cwrs hwn wedi’i gynllunio ar gyfer y rhai sydd â diddordeb mewn celf a dylunio ac sydd eisiau archwilio’r deunyddiau, y dulliau a’r prosesau sy’n cefnogi gweithgareddau celf a dylunio yn ogystal â dechrau datblygu sgiliau technegol allweddol.
Dysgwch drwy aseiniadau yn seiliedig ar senarios gweithle realistig, gan ennill cipolwg ar ddisgwyliadau’r diwydiant a phrofi amrywiaeth o feysydd galwedigaethol, gan gynnwys ymarfer celf, dylunio 2D a 3D, wrth feithrin hyder wrth ddefnyddio gwahanol ddefnyddiau a thechnegau. Drwy luniadu, peintio a cherflunwaith, mae dysgwyr yn archwilio syniadau’n greadigol ac yn datblygu’r iaith weledol sydd ei hangen i gyfleu’r syniadau hyn yn effeithiol.
Beth yw'r gofynion mynediad?
- Tri chymhwyster TGAU gradd D neu uwch (gall gynnwys un cyfwerth perthnasol) i gynnwys SaesnegIaith/Cymraeg Iaith Gyntaf neu Fathemateg
- Bydd angen dod â phortffolio/enghreifftiau o waith ar gyfer y cwrs hwn
- Ystyrir pob cais ar sail teilyngdod unigol
- Mae mynediad yn amodol ar fynychu cyfarfod cwrs neu gyfweliad anffurfiol
Os ydych wedi ennill eich cymwysterau y tu allan i’r DU byddwn yn defnyddio ECCTIS i wirio eu cyfwerthedd â chymwysterau’r DU. Lanlwythwch dystiolaeth o’ch cymwysterau fel rhan o’r broses ymgeisio.
Myfyriwr cyfredol - beth yw'r gofynion mynediad?
- Cwblhau rhaglen Lefel 1 perthnasol yn llwyddiannus gyda gradd teilyngdod neu uwch yn ogystal â phenderfyniad llwyddiannus o gyfarfod y bwrdd dilyniant
- TGAU Saesneg Iaith/Cymraeg Iaith Gyntaf gradd D neu uwch
- Neu dystiolaeth o welliant o TGAU/au mewnol
Beth fydda i'n ei ddysgu?
Bydd dysgwyr yn:
- Gweithio’n greadigol gydag ystod eang o gyfryngau 2D a 3D a gwella sgiliau lluniadu
- Gwneud gwrthrychau 3D fel cerfluniau a serameg
- Archwilio potensial technoleg fodern
- Defnyddio astudio dan gyfarwyddyd i gefnogi gweithgaredd aseiniad
- Gweithio’n hyderus mewn grŵp ac yn annibynnol
- Cael arddangosiadau a thrafodaethau ymarferol a defnyddio deunyddiau ac offer arbenigol
- Defnyddio nodiadau, taflenni a TGCh
Mae’r unedau a astudir yn cynnwys:
- Uned 1 Cyflwyniad i ddeunyddiau, prosesau a sgiliau technegol mewn celf a dylunio
- Uned 2 Cyflwyniad i ymchwil cyd-destunol mewn celf a dylunio
- Uned 3 Cyflwyniad i sgiliau lluniadu
- Uned 4 Cyflwyniad i sgiliau cyfathrebu mewn celf a dylunio
- Uned 5 Datrys problemau creadigol 2D
- Uned 6 Datrys problemau creadigol 3D
- Uned 7 Datrys problemau creadigol seiliedig ar amser
- Uned 8 Datblygu a chynhyrchu prosiect personol mewn celf a dylunio
Cyflwynir Unedau 1-7 trwy gyfres o aseiniadau a rhaid cyflawni pob uned cyn dechrau uned 8. Bydd yr aseiniad ar gyfer Uned 8 yn penderfynu ar y radd derfynol a ddyfernir (Pas, Teilyngdod, Rhagoriaeth).
A fydd angen i mi astudio sgiliau Saesneg a Mathemateg ychwanegol?
Efallai y bydd angen i chi astudio cwrs sgiliau ychwanegol yn dibynnu ar:
- y cwrs rydych chi’n ei ddilyn yn y Coleg
- pa raddau a gawsoch chi yn eich TGAU Mathemateg a/neu Iaith Saesneg
Isod i ddarganfod pa gwrs sgiliau y gallech chi fod yn ei ddilyn yn y Coleg.
Rhaglenni llwybr dilyniant, seiliedig ar waith o fewn y Gyfadran Amgylchedd Adeiledig – byddwch chi’n astudio Sgiliau Hanfodol Cymru (SHC) mewn Cymhwyso Rhif a Chyfathrebu.
Rhaglen Twf Swyddi Cymru (JGW+) – bydd wedi’i hamserlennu mewn sesiynau llythrennedd a rhifedd. I drafod y cyfle i fynychu rhaglen ailsefyll TGAU, yn ogystal â’u hamserlen JGW+, cysylltwch â skills@pembrokeshire.ac.uk
Rhaglenni Academi Sgiliau Bywyd – bydd gennych gyfleoedd i uwchsgilio mewn Saesneg a Mathemateg trwy Becyn Cymorth Sgiliau Hanfodol Cymru (WEST) / Century neu fynychu dosbarthiadau Sgiliau Hanfodol.
Pob cwrs arall a’r rhai sydd wedi symud ymlaen trwy’r llwybr dilyniant mewnol:
Rhaglen Cyrchfan Uwchsgilio – sesiwn awr a hanner yr wythnos yn datblygu sgiliau ymchwil hanfodol, meddwl beirniadol, a thechnegau ysgrifennu academaidd, gan gefnogi llythrennedd, rhifedd, llythrennedd digidol a sgiliau cyflogadwyedd
Rhaglen Ailsefyll TGAU blwyddyn mewn TGAU Mathemateg Haen Ganolradd (cyfrwng Cymraeg neu Saesneg) / TGAU Iaith Saesneg
Cwrs uwchsgilio cyn TGAU blwyddyn neu ddwy yn y pwnc/pynciau gofynnol – Blaenoriaeth y rhaglen hon (llwybr Sylfaen Mathemateg ar gyfer Mathemateg) yw meithrin sgiliau a gwybodaeth sylfaenol, er mwyn paratoi dysgwyr ar gyfer symud ymlaen i’r rhaglen ailsefyll haen ganolradd blwyddyn o hyd.
Cwrs uwchsgilio cyn TGAU blwyddyn mewn mathemateg – Blaenoriaeth y rhaglen hon yw meithrin sgiliau a gwybodaeth sylfaenol, er mwyn paratoi dysgwyr ar gyfer symud ymlaen i’r rhaglen Mathemateg Sylfaen.
Allaf i wneud y cwrs hwn yn Gymraeg?
Sut y byddaf yn cael fy asesu?
- Asesiad parhaus yn ystod y cwrs
- Portffolio o dystiolaeth
- Cwblhau prosiect mawr terfynol
Beth alla i ei wneud nesaf?
Oes angen i mi ddod â /prynu ac offer?
- Deunyddiau celf - byddwch yn cael gwybod am unrhyw eitemau penodol cyn i chi ddechrau'r cwrs
- Efallai eich bod yn gymwys i gael cyllid. Darganfyddwch fwy ar ein dudalen cyllid myfyrwyr
Mae unrhyw gostau uchod yn rhai bras a gallant newid.
A oes unrhyw gostau ychwanegol?
- Dim ffi dysgu
- Bydd angen i chi dalu ffi gweithdy celf o £70 bob blwyddyn cyn i chi ddechrau'r cwrs
- Gallwch rentu locer am £10 y flwyddyn a bydd hwn yn cael ei ad-dalu os na fydd y locer wedi'i ddifrodi a bod allweddi'n cael eu dychwelyd
- Efallai eich bod yn gymwys i gael cyllid. Darganfyddwch fwy ar ein dudalen cyllid myfyrwyr
Mae unrhyw gostau uchod yn rhai bras a gallant newid.
