Y ffocws yw datblygu brwdfrydedd a chymhwysedd mewn daearyddiaeth trwy ddefnyddio cyd-destunau byd go iawn cyfoes, o ystod o raddfeydd gofodol penodol, a thrwy ymgysylltu â sgiliau a thechnegau daearyddol yn y maes a’u cymhwyso’n ymarferol. Mae’r fanyleb hon yn tynnu ar ddaearyddiaeth ffisegol a dynol, yn archwilio rhyngweithiadau rhwng pobl a’r amgylchedd ac yn annog datblygiad gwaith maes ar lefel leol i’ch galluogi i ofyn cwestiynau ymholi.

Mae’r unedau i’w hastudio yn cynnwys:

• Tirweddau newidiol – y prosesau ffisegol sy’n gysylltiedig â thirweddau arfordirol yn ogystal â ffactorau dynol, gan gynnwys gwaith maes
• Newid lleoedd – lleoedd a’u nodweddion deinamig ar raddfa leol, genedlaethol a byd-eang, gan gynnwys gwaith maes
• Systemau byd-eang a llywodraethu byd-eang – yn cynnwys y cylchoedd dŵr a charbon, heriau mudo dynol a llywodraethu cefnforoedd y ddaear
• Themâu cyfoes mewn daearyddiaeth – themâu dewisol sy’n cynnwys ecosystemau, twf a her economaidd, newidiadau ynni a chyfyng-gyngor a thywydd a hinsawdd
• Ymchwiliad annibynnol – yn adeiladu ar waith a gwmpesir yn y fanyleb sy’n cynnwys gwaith maes