Gall pobl o unrhyw oedran gwblhau prentisiaeth mewn Gwaith Saer. Mae mynediad yn amodol ar gyfweliad. Mae Prentisiaethau mewn Gwaith Saer yn cynnwys:

• Hyfforddiant yn y coleg un diwrnod yr wythnos
• Cymhwyster NVQ sy’n cael ei asesu yn y gweithle
• Cymwysterau Llythrennedd, Rhifedd a Llythrennedd Digidol oni bai eich bod wedi’ch eithrio
• Os nad ydych wedi cwblhau “Sylfaen” neu “Graidd”, bydd angen i chi wneud Lefel 2 fel rhan o’r Brentisiaeth hon.

I wneud cais am brentisiaeth, mae’n rhaid bod gennych gyflogwr sy’n fodlon eich cyflogi drwy gydol eich prentisiaeth ac ni ellir cyflawni hyn heb gyflogaeth yn y grefft.

Bydd angen i’ch cyflogwr:

• Allu eich rhyddhau un diwrnod yr wythnos i fynychu’r coleg
• Rhoi tystiolaeth o yswiriant addas i ni a thystiolaeth o’ch statws cyflogaeth
• Bod yn hapus i drafod gweithdrefnau Iechyd a Diogelwch gyda’ch aseswr
• Talu’r isafswm cyflog cenedlaethol priodol i chi, gan gynnwys diwrnodau yn y coleg

Cyflwyno

• Yn y coleg: Un diwrnod yr wythnos yn y coleg dros ddwy i dair blynedd yn dibynnu ar gymwysterau blaenorol a phrofiad diwydiant.
• Yn y gweithle: Rhaid i gyflogwyr gytuno i ymweliadau aseswr wedi’u cynllunio bob mis i’ch arsylwi ac i drafod eich cynnydd gyda goruchwyliwr.

Rhaid i ddysgwyr fod yn 16 oed o leiaf ac mewn cyflogaeth am o leiaf 16 awr yr wythnos. Os nad oes gennych gyflogwr ond yr hoffech chi ddal ymuno â’r cwrs hyfforddi un diwrnod yr wythnos, dylech ymweld â’r dudalen Dysgwyr sy’n Oedolion – ‘Saer Coed – Craidd‘.

Mae lleoedd ar Raglenni Prentisiaeth yn gyfyngedig ac yn amodol ar gapasiti. Nid yw cynnig cyflogaeth yn gwarantu lle ar unwaith yn y coleg.