Diploma Estynedig BTEC Lefel 3 mewn Peirianneg Drydanol ac Electronig
Os oes gennych ddiddordeb mewn gweithio ym meysydd adeiladu a phrofi cylchedau electronig, peirianneg drydanol neu reolaeth ac offeryniaeth yna efallai mai dyma’r cwrs i chi.
Ydy'r cwrs hwn yn iawn i mi?
Fel rhan o’r cwrs, byddwch yn ennill gwybodaeth am sut i ddefnyddio amrywiaeth o offer electronig, gan gynnwys mesuryddion digidol ac osgilosgopau. Byddwch hefyd yn defnyddio cyfrifiaduron a meddalwedd arbenigol i ddylunio byrddau cylched. Bydd eich dealltwriaeth o gylchedau electronig yn datblygu trwy theori, gwaith ymarferol ac efelychu.
Yn yr ail flwyddyn, byddwch yn cwblhau prosiect sy’n ymgorffori microreolyddion ac argraffu 3D, sydd hefyd wedi’u hintegreiddio i unedau eraill y cwrs.
Disgwylir i chi weithio ar broblemau technegol yn unigol ac mewn grwpiau, gan ddefnyddio amrywiaeth o ddulliau ymchwil gan gynnwys llyfrau cyfeirio a’r rhyngrwyd i ddod o hyd i wybodaeth.
Ar ôl cwblhau blwyddyn gyntaf y cwrs yn llwyddiannus, bydd dysgwyr yn cael Diploma Sylfaen Cenedlaethol Lefel 3 mewn Peirianneg, sef y cymhwyster galwedigaethol sy’n cyfateb i un a hanner Lefel A. Mae cwblhau’r ail flwyddyn yn arwain at Ddiploma Estynedig Lefel 3 mewn Peirianneg Drydanol ac Electronig, sef y cymhwyster galwedigaethol sy’n cyfateb i dri Lefel A.
Beth yw'r gofynion mynediad?
- Pum TGAU gradd C neu uwch (gall gynnwys un cyfwerth perthnasol) i gynnwys Saesneg Iaith/Cymraeg Iaith Gyntaf, Mathemateg a Gwyddoniaeth
- Ystyrir pob cais ar sail teilyngdod unigol
- Mae mynediad yn amodol ar fynychu cyfarfod cwrs neu gyfweliad anffurfiol
Os ydych wedi ennill eich cymwysterau y tu allan i’r DU byddwn yn defnyddio ECCTIS i wirio eu cyfwerthedd â chymwysterau’r DU. Lanlwythwch dystiolaeth o’ch cymwysterau fel rhan o’r broses ymgeisio.
Myfyriwr cyfredol - beth yw'r gofynion mynediad?
- Cwblhau rhaglen Lefel 2 perthnasol yn llwyddiannus gyda gradd teilyngdod neu uwch yn ogystal â phenderfyniad llwyddiannus o gyfarfod y bwrdd dilyniant
- TGAU Saesneg Iaith/Cymraeg Iaith Gyntaf gradd C neu uwch
- TGAU Mathemateg gradd C neu uwch
Beth fydda i'n ei ddysgu?
Mae’r unedau i’w hastudio yn cynnwys:
Blwyddyn 1
- Egwyddorion Peirianneg
- Cyflwyno Prosesau Peirianneg yn Ddiogel fel Tîm
- Dylunio a Chynhyrchu Cynnyrch Peirianneg
- Egwyddorion Masnachol ac Ansawdd Cymhwysol mewn Peirianneg
- Dyfeisiau a Chylchedau Electronig
- Dylunio a Chynhyrchu Bwrdd Cylchdaith Argraffedig Electronig
- Peiriannau Trydanol
Blwyddyn 2
- Rheolyddion Rhesymeg Rhaglenadwy
- Systemau Microreolyddion ar gyfer Peirianwyr
- Prosiect Peirianneg Arbenigol
- Calcwlws i Ddatrys Problemau Peirianneg
- Cylchedau Electronig Analog
- Mesur a Phrofi Cylchedau Electronig
- Prosesau Gweithgynhyrchu Ychwanegol
- Roboteg Symudol Ymreolaethol
Yn ogystal â’ch prif raglen, byddwch hefyd yn astudio’r Cymhwyster Prosiect Estynedig (EPQ), cymhwyster Lefel 3 sy’n cael ei raddio fel lefel AS, a gall ddarparu pwyntiau UCAS ychwanegol ar gyfer mynediad i brifysgol. Mae’n darparu cyfleoedd i ddysgwyr ehangu eu gwybodaeth, gweithio’n annibynnol a chaffael sgiliau newydd trwy amrywiaeth o weithgareddau a all gynnwys: siaradwyr gwadd, ymweliadau â gweithleoedd a phrofiadau ymarferol.
Bydd angen i chi fynychu tiwtorialau rheolaidd hefyd.
A fydd angen i mi astudio sgiliau Saesneg a Mathemateg ychwanegol?
Efallai y bydd angen i chi astudio cwrs sgiliau ychwanegol yn dibynnu ar:
- y cwrs rydych chi’n ei ddilyn yn y Coleg
- pa raddau a gawsoch chi yn eich TGAU Mathemateg a/neu Iaith Saesneg
Isod i ddarganfod pa gwrs sgiliau y gallech chi fod yn ei ddilyn yn y Coleg.
Rhaglenni llwybr dilyniant, seiliedig ar waith o fewn y Gyfadran Amgylchedd Adeiledig – byddwch chi’n astudio Sgiliau Hanfodol Cymru (SHC) mewn Cymhwyso Rhif a Chyfathrebu.
Rhaglen Twf Swyddi Cymru (JGW+) – bydd wedi’i hamserlennu mewn sesiynau llythrennedd a rhifedd. I drafod y cyfle i fynychu rhaglen ailsefyll TGAU, yn ogystal â’u hamserlen JGW+, cysylltwch â skills@pembrokeshire.ac.uk
Rhaglenni Academi Sgiliau Bywyd – bydd gennych gyfleoedd i uwchsgilio mewn Saesneg a Mathemateg trwy Becyn Cymorth Sgiliau Hanfodol Cymru (WEST) / Century neu fynychu dosbarthiadau Sgiliau Hanfodol.
Pob cwrs arall a’r rhai sydd wedi symud ymlaen trwy’r llwybr dilyniant mewnol:
Rhaglen Cyrchfan Uwchsgilio – sesiwn awr a hanner yr wythnos yn datblygu sgiliau ymchwil hanfodol, meddwl beirniadol, a thechnegau ysgrifennu academaidd, gan gefnogi llythrennedd, rhifedd, llythrennedd digidol a sgiliau cyflogadwyedd
Rhaglen Ailsefyll TGAU blwyddyn mewn TGAU Mathemateg Haen Ganolradd (cyfrwng Cymraeg neu Saesneg) / TGAU Iaith Saesneg
Cwrs uwchsgilio cyn TGAU blwyddyn neu ddwy yn y pwnc/pynciau gofynnol – Blaenoriaeth y rhaglen hon (llwybr Sylfaen Mathemateg ar gyfer Mathemateg) yw meithrin sgiliau a gwybodaeth sylfaenol, er mwyn paratoi dysgwyr ar gyfer symud ymlaen i’r rhaglen ailsefyll haen ganolradd blwyddyn o hyd.
Cwrs uwchsgilio cyn TGAU blwyddyn mewn mathemateg – Blaenoriaeth y rhaglen hon yw meithrin sgiliau a gwybodaeth sylfaenol, er mwyn paratoi dysgwyr ar gyfer symud ymlaen i’r rhaglen Mathemateg Sylfaen.
Allaf i wneud y cwrs hwn yn Gymraeg?
Sut y byddaf yn cael fy asesu?
- Asesiad parhaus yn ystod y cwrs
- Asesiad ymarferol yn ystod y cwrs
- Arholiad ymarferol
- Arholiad ysgrifenedig
- Cwblhau prosiect mawr terfynol
Beth alla i ei wneud nesaf?
Gall y cwrs hwn arwain at nifer o gyfleoedd gyrfa gan gynnwys: Peiriannydd Electronig/Trydanol, Peiriannydd Offeryniaeth, Peiriannydd Ynni Adnewyddadwy, Technegydd Dylunio, Profwr Cynnyrch, Peiriannydd Ymchwil, Datblygwr Cynnyrch Newydd.
Oes angen i mi ddod â /prynu ac offer?
- Deunydd ysgrifennu - byddwch yn cael gwybod am unrhyw eitemau penodol cyn i chi ddechrau'r cwrs
- Cyfrifiannell wyddonol
- Efallai eich bod yn gymwys i gael cyllid. Darganfyddwch fwy ar ein dudalen cyllid myfyrwyr
Mae unrhyw gostau uchod yn rhai bras a gallant newid.
A oes unrhyw gostau ychwanegol?
- Dim ffi dysgu
- Bydd angen i chi dalu ffi gweithdy trydanol/electronig o £45 bob blwyddyn cyn i chi ddechrau'r cwrs
- Gallwch rentu locer am £10 y flwyddyn a bydd hwn yn cael ei ad-dalu os na fydd y locer wedi'i ddifrodi a bod allweddi'n cael eu dychwelyd
- Efallai eich bod yn gymwys i gael cyllid. Darganfyddwch fwy ar ein dudalen cyllid myfyrwyr
Mae unrhyw gostau uchod yn rhai bras a gallant newid.
